News
Լրահոս
News
Ուրբաթ
Հոկտեմբեր 19
Տեսնել լրահոսը


Հայաստանում ինձնից շատ կոռուպցիայի թեմայով խոսող պատգամավոր ու լրագրող շատ քիչ է եղել, բայց ես հիմա ապշած եմ ուղղակի ստացված տեղեկություններից:  Այս մասին, այսօր՝ հուլիսի 20-ին, լրագրողների հետ հանդիպման ժամանակ նշեց ՀՀ վարչապետ Նիկոլ Փաշինյանը:

«Ես մեկ-մեկ ասում էի՝ էնպես չլինի, որ ասեն՝ դե ընդդիմություն է, պետք է չափազանցնի: Դրա համար ես շատ դեպքերում այդ քննադատության սրության մեջ ինձ սահմանափակել եմ, բայց ես այսօր ապշած եմ, որ Հայաստանում կոռուպցիան ինչ ծավալների է: Դա ուղղակի աներեւակայելի է:

Այն իմ ամենասուր ելույթը կոռուպցիայի մասին դա ուղղակի ծիծաղելի է թալանի իրական մասշտաբների կապակցությամբ, որ Հայաստանում տեղի է ունեցել եւ տեղի է ունենում: Սա ահավոր մի երեւույթ է»,-հայտարարեց Փաշինյանը:

Նա ընդգծեց, որ իր վարչապետ դառնալուց երկու ամիս է անցել, բայց ինքն ամեն օր զարմանում է, որ ո՞նց, նման պրոբլեմ էլ ունի՞ էս երկիրը. «Ու որքան տեսնում եմ, դեռ 4 ամիս էլ զարմանալու եմ, թե տենց բան ո՞նց է հնարավոր, էդ լո՞ւրջ եք ասում:

Պատկերացնում եք՝ ես ամեն օր ստանում եմ տեղեկություն, որն ինձ զարմացնում է, ես հրաժարվում եմ հավատալ այդ տեղեկություններին, մինչեւ ինձ չեն բերում ասում՝ ահա, ապացույց մեկ, ապացույց երկու, ապացույց երեք եւ այլն»:

Փաշինյանը տեղեկացրեց, որ օրերս պետական կառավարման մարմիններից մեկի ներկայացուցչին ասել է՝ էլ մի շարունակի, ես պատրաստ չեմ մեկ օրում էսքան տեղեկություն ստանալ ու հոգեկան հավասարակշռությունս պաշտպանել. «Խնդրում եմ հենց հիմա դադարեցրու: Երբ ինքը հանում էր ապացույցներ, ֆոտոներ, վիդեոներ: Ես ասում էի՝ էսօր ինձ հերիք է, ցտեսություն, հաջողություն, գնացեք ուրիշին պատմեք: Ու սա իրականություն է:

Պատկերացրեք մի երկիր, որտեղ վարչապետն ամեն օր շոկի է ենթարկվում, ու դա այն վարչապետն է, որ ամեն օր քաղաքական ու լրագրողական գործունեության ընթացքում անընդհատ հայտարարել է, որ թալանվում է երկիրը, որ կոռուպցիա է, բեսպրեդել է: Վարչապետին բերում են տեղեկություններ, որին ինքը հրաժարվում է հավատալ, որ կարելի է այդ աստիճանի լկտի լինել, ու ոլորտներում, որտեղ չես կարող հավատալ: Մենք ասում ենք՝ նպաստների ոլորտում կոռուպցիա կա, կոռուպցիա՞, կոռուպցիան ի՞նչ ա»,- իր խոսքն ամփոփեց Նիկոլ Փաշինյանը:

Տպել
Կարդացեք նաև
Ամբողջը
«Կուռքեր մի ստեղծեք, որ չհիասթափվեք ու չհուսահատվեք». Ստեփան Դանիելյան
Այդ գործընթացը պետք շարունակական եւ չընդհատվող պրոցես լինի, իսկ եթե ոչ, կունենանք այն, ինչ մինչ այդ ունեցել ենք...
ՌԱԿ-ը ողջունում է վարչապետի հրաժարականի պայմաններում 7+7 սահմանադրական մեխանիզմի կիրառումը
Ռամկավար Ազատական Կուսակցության դիրքորոշումը առաջիկա խորհրդարանական արտահերթ ընտրությունների նկատմամբ...
Նոր փուլի ռիսկերն ու ակնկալիքները. Վահե Հովհաննիսյան
Նոր փուլի ամենամեծ ակնկալիքը՝ միտինգից դեպի գործ, թշնամանքից դեպի բոլոր կարող անհատների աշխատանք, Նոր Հայաստանի ստեղծում…
Եթե անգամ Փաշինյանը գնա երկրի արտաքին քաղաքական կուրսի շրջադարձի, ապա միայն մեղմ ձեւով. Քոչարյան
Մեր իրավիճակում մոտեցումների կտրուկ փոփոխությունը մի փոքր դժվար է…
Քաղաքական այս իրավիճակում կառավարությունն իր աշխատանքի տրամաբանությունը չի փոխի. Փաշինյան
Օգտվելով առիթից, որ պետական կառավարման համակարգը որեւէ կերպ չպետք է ներգրավված լինի նախընտրական գործընթացներում...
Նիկոլ Փաշինյանի կառավարության 5 ամենալուրջ սխալները. Վարդան Հարությունյան
Մերժված իշխանության առանցքային կադրերով նոր Հայաստան կառուցելու փորձերը եւ դրանք արդարացնելու միամիտ բացատրությունները...
Ամենաշատ
Partner news