«Էխո Մոսկվի» ռադիոկայանի գլխավոր խմբագիր, սեփականատեր եւ հաղորդավար Ալեքսեյ Վենեդիկտովը կժամանի Երեւան ՀՀ վարչապետ Նիկոլ Փաշինյանից հարցազրույց վերցնելու համար։

«Էխա» Youtube ալիքի «Իրադարձությունների էությունը» («Суть событий») ծրագրի ուղիղ միացման ժամանակ Վենեդիկտովը պատասխանել է NEWS.am-ի լրագրողի հարցին, հայտարարելով, որ երեքշաբթի՝ հուլիսի 24-ին կժամանի Հայաստան, որ հարցազրույց վերցնի ՀՀ վարչապետից, ինչպես նաեւ մի քիչ շրջի երկրում։ Վենեդիկտովը նաեւ նշել է, որ արդեն 15 տարի չի եղել Հայաստանում եւ մտադիր է այցելել Սեւան, Դիլիջան, Էջմիածին։