Ամերիկայի Միացյալ Նահանգները Ռուսաստանին եւ ռուսական ղեկավարությանը անվստահությամբ է վերաբերվում եւ երբեք Մոսկվային չի վստահի, հայտարարել է ՄԱԿ-ում ԱՄՆ մշտական ներկայացուցիչ Նիկի Հեյլին, հայտնում է CBN հեռուստաալիքը:
«Մենք Ռուսաստանին չենք վստահում, մենք Պուտինին չենք վստահում, եւ երբեք չենք վստահի»,- ասել է նա հեռուստաալիքի հետ հարցազրույցում:
Այնուհետեւ հավելել է. «Նրանք (Ռուսաստանը – խմբ.) երբեք մեր բարեկամները չեն դառնա, սա փաստ է»:
Այդուհանդերձ, նա ընդունել է, որ ԱՄՆ նախագահի հանդիպումները ինչպես Հյուսիսային Կորեայի, այնպես էլ Ռուսաստանի առաջնորդների հետ անհրաժեշտ էին, «դա այն է, ինչը պետք է տեղի ունենար»,- ասել է դիվանագետը, ապա պարզաբանել է. «Դուք չեք կարողանա մյուս կողմին մինչեւ վերջ հասկանալ, եթե նրա հետ չշփվեք»:
