News
Լրահոս
News
Ուրբաթ
Ապրիլ 26
Տեսնել լրահոսը

Ես մտածում եմ, որ առաջիկա խորհրդարանական արտահերթ ընտրություններին ընդառաջ էն գլխից ուզում են ինձ չեզոքացնել։ Այս մասին, այսօր՝ հուլիսի 26-ին, «Երկիր Մեդիա» հեռուստաալիքին տված հարցազրույցում հայտարարել է ՀՀ երկրորդ նախագահ Ռոբերտ Քոչարյանը՝ անդրադառնալով «Մարտի 1»-ի գործով իրեն մեղադրանք առաջադրելու փաստին։

«Ես բազմիցս հայտարարել եմ, որ քաղաքականությամբ զբաղվելու ցանկություն չւնեմ։ Բայց սա այն դեպքն է, որ դու քաղաքականությամբ չես զբաղվում, քաղաքականությունն է քեզնով սկսում զբաղվել։

Ես կարծում՝ սրանով առաջին հերթին փորձում են չեզոքացնել իմ հնարավոր ակտիվ մասնակցությունն այդ գործընթացներում։ Մարդիկ հասկանում են, որ միայն իմ ժամանակահատվածում էր, որ երկրի տնտեսությունն էական զարգացում է ապրել։ 10 տարիների ընթացքում 5 անգամ աճել է երկրի ՀՆԱ-ն։ Մենք աշխարհի ամենից արագ զարգացող երկրների 5-յակում կամ 10-յակում ենք եղել։ Տնտեսական միջին աճը եղել է 10,5 տոկոս տարեկան, իկ վերջին տարում 12,5 տոկոս է եղել միջին աճը։ Մարդիկ հիշում են։ Հենց այդ ժամանակ կայացավ փոքր ու միջին բիզնեսը, ՀՆԱ 12 տոկոսից դարձավ 44 տոկոս։ Հասկանում են, որ նման «բագաժով» մարդը կարող է իրենց համար վտանգ լինի ընտրությունների ժամանակ։ Ի դեպ, նախկին իշխանությունը եւս մտահոգ էր այդ հարցով։ Ոնց որ իմ կերպարը հանգիստ չի տալիս, ով էլ գա իշխանություն, պետք է ինձ հիշի»,-հայտարարեց երկրորդ նախագահը։

Նա հայտարարեց, որ 10 տարի քննադատության է ենթարկվել նաեւ ՀՀԿ-ականների կողմից. «Որովհետեւ այն հարցերում, որոնց հետ համաձայն չէի, արտահայտվում եւ քննադատում էի։ Եթե ես կենսաթոշակային պարտադիր համակարգի հետ համաձայն չէի, ես չէի կարող իմ կարծիքը չհայտնել։ Կամ կամերաների, կարմիր գծերի, կամ հայ-թուրքական արձանագրությունների վերաբերյալ»։

Երկրորդ նախագահը նշեց, որ մինչեւ հիմա էլ իրեն կապում են Սերժ Սարգսյանի հետ. «Մենք շատ դժվար ճանապարհ ենք անցել միասին, բայց այդ նույն կապն ուղղակի անցած տարիներին համարյա խզվել է։ Վերջին տարիներին ես Սերժ Սարգսյանին տեսել եմ երկու անգամ։ Ցավում եմ դրա համար։ Հեռախոսով կարող ենք շփվել, տարին 2-3 անգամ ծնունդ շնորհավորել, բայց ես չեմ կարող չգնահատել այն ճանապարհը, որ նա անցել է Ղարաբաղում եւ Հայաստանում՝ լինելով պաշտպանության նախարար, անվտանգության նախարար։ Սա ոչ ոք չի կարող մոռանալ»։

Նշենք, որ Ռոբերտ Քոչարյանին այսօր «Մարտի 1»-ի գործով մեղադրանք են առաջադրել եւ միջնորդություն ներկայացրել նրան կալանավորելու համար։

 

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Բաքվում մտադիր են «հավերժացնել» Հայոց ցեղասպանության գաղափարախոսներից մեկի եղբոր հիշատակը
Բաքվում մտադիր են հավերժացնել...
Ալեն Սիմոնյանը եւ ՔՊ-ական պատգամավորները հարգանքի տուրք են մատուցել մարտի 1-ի զոհերի հիշատակին
Գրիգոր Լուսավորչի փողոցին հարակից այգում գտնվող «Ազդեցություն եւ հակազդեցություն» հուշարձանին...
Ապագայում, մարտի 1-ը դառնալու ա Հայաստանի սուվերենության փրկության օր. Տիգրան Քոչարյան
Այդ ժամանակ ՀՀ իշխանության մեջ գտնվող մի քանի մարդկանց...
Մարտի 1-ի դեպքերով Ռոբերտ Քոչարյանի, Յուրի Խաչատուրովի և մյուսների գործով Վճռաբեկ դատարանը դիմել է ՍԴ
Քոչարյանն ու նրա ենթակաները արդարացվեցին 2021թ․ ապրիլին, երբ ՍԴ-ն...
Ավինյանը ավագանու ՔՊ և «Հանրապետություն» խմբակցությունների  հետ հարգանքի տուրք է մատուցել մարտի 1-ի զոհերի հիշատակին
Գրիգոր Լուսավորիչ փողոցին հարակից այգում գտնվող «Ազդեցություն և հակազդեցություն» հուշարձանին...
Քաղպաշտպանության համակարգի զարգացումը և կարողությունների հզորացումը ՆԳՆ գերակա ուղղություններից է. Վահե Ղազարյան
Ամեն տարի մարտի 1-ին աշխարհը համախմբվում է՝ նշելու Քաղաքացիական…
Ամենաշատ