Ինդոնեզիայում երկրաշարժի զոհերի թիվը հասել է 347-ի: Այս մասին հաղորդում է «ՌԻԱ Նովոստի»-ն՝ վկայակոչելով Antara գործակալությունը:
«Տվյալները ստացվել են այսօր շրջանների ղեկավարների հանդիպման ժամանակ»,- Antara-ն մեջբերում է Հյուսիսային Լոմբոկ շրջանի տարերային աղետների դեմ պայքարի տարածաշրջանային գործակալության ղեկավար Իվան Ասմարային: Կիրակի օրն ինդոնեզական Լոմբոկ կղզուց դեպի հյուսիս 7 մագնիտուդ ուժգնությամբ երկրաշարժ էր գրանցվել՝ 5.4 եւ 4.3 մագնիտուդ ուժգնությամբ հետցնցումներով:
