Թուրքիայի առեւտրի նախարար Ռուխսար Փեքանը ԱՄՆ նախագահ Դոնալդ Թրամփին խնդրում է մաքսատուրքերի հարցով վերադառնալ բանակցությունների սեղանի շուրջ՝ ասելով, որ ՆԱՏՕ-ի դաշնակիցների միջեւ առեւտրային խնդիրը կարող է եւ պետք է լուծվի երկխոսության միջոցով, հաղորդում է Reuters-ը:
«ԱՄՆ վարչակազմին տեղեկացնելու բազմիցս փորձերը, որ Ամերիկայի մաքսատուրքերը կարգավորող չափանիշներից որեւէ մեկը ընդունելի չէ Թուրքիայի համար, մինչ այսօր անարդյունք են եղել», - ասել է Ռուխսար Փեքանը: «Այնուամենայնիվ, մենք խնդրում ենք, որ նախագահ Թրամփը վերադառնա բանակցային սեղանին, դա կարելի է եւ պետք է երկխոսության եւ համագործակցության միջոցով լուծել»:
Հիշեցնենք, որ ավելի վաղ Թրամփը Twitter-ի իր միկրոբլոգում հայտարարել էր, որ հավանություն է տվել Թուրքիայից ալյումինի եւ պողպատի համար մաքսատուրքերի կրկնակի բարձրացմանը, որպեսզի դրանք համապատասխանաբար 20 եւ 50 տոկոս կազմեն:
«Ինչ վերաբերում է Թուրքիային, ապա ես հենց նոր հավանություն եմ տվել Թուրքիայից ալյումինի եւ պողպատի համար մաքսատուրքերի կրկնակի բարձրացմանը, այն ժամանակ, երբ իրենց արժույթը՝ թուրքական լիրան, կտրուկ ընկնում է մեր շատ ուժեղ դոլարի համեմատ: Ալյումինի մաքսատուրքերն այժմ կկազմեն 20, պողպատի համար՝ 50 տոկոս: Այժմ մենք վատ հարաբերություններ ունենք Թուրքիայի հետ»: