Horizon Air ավիաընկերության Horizon Q400 ինքնաթիռը հափշտակած աշխատակիցը իրեն «կոտրված տղա» է կոչել եւ հույս է ունեցել  երկնքում զգալ «անխռովության վայրկյաններ»։ Սա է վկայում կարգավարների հետ նրա խոսակցության ծածկագրումը, փոխանցում է Seattle Times–ը։

Սկզբում տղամարդը իրեն հանգիստ է պահել եւ նույնիսկ կատակել է, որ իրեն կառաջարկեն օդաչու աշխատել, եթե հաջող վայրէջք կատարի։ Սակայն հետո խոստովանել է, որ չգիտի ինչպես վայրջք կատարել։

«Ես, ընդհանրապես, չեմ նախատեսել վայրէջք կատարել»,–պարզաբանել է կարգավարը։

Ապա տղամարդը սկսել է անհանգստանալ, որ վառելիքը կվերջանա եւ շարժիչը կարող է պայթել։

«Շատ մարդիկ կան, որոնց համար ես կարեւոր եմ: Նրանք կվշտանան, երբ իմանան, թե ինչ եմ արել: Կցանկանայի ներողություն խնդրել նրանցից ամեն մեկից: Ես պարզապես կոտրված տղա եմ»,–նշել է նա:

Ամբողջ թռիչքի ընթացքում կարգավարներն ու օդանավի հրամանատարը փորձել են օգնել երիտասարդին ինքնաթիռի վայրէջքի հարցում։

Horizon Air–ի՝ Ռիկ անունով 29-ամյա մեխանիկը նախօրեին երեկոյան հափշտակել է Alaska Airlines–ի դատարկ ինքնաթիռը։ Նա թռչել է շուրջ 15 րոպե, եւ ինքնաթիռը կործանվել է։