Ռուսական «Օդնոկլասնիկի» սոցցանցը հայտարարել է ձայնային եւ տեսազանգերի գործարկման մասին, որոնց կարող են միանալ մինչեւ 100 զրուցակիցներ, հայտնում է «Экономика сегодня»-ն:
Նոր գործառույթն իրականացվել է կրկնակի ադապտիվային տեխնոլոգիայով՝ արհեստական ինտելեկտի հիման վրա:
Օգտատերերը նախ անմիջական կապ են հաստատում p2p-միացման միջոցով, որը առավել բարձրորակ կապ է ապահովում:
Զանգողների թվաքանակի մեծացման դեպքում նեյրոցանցը գնահատում է կապի որակը, բաժանորդների ալիքների եւ սարքերի բեռնվածությունը՝ անհրաժեշտության դեպքում զանգն ուղարկելով սերվերի միջոցով:
Տեսահոսքերը մասնակիցների միջեւ տեղաբաշխվում են նրանց ակտիվությունից կախված: Կցուցադրվի նրա առավել լավ որակի տեսանյութը, ով այդ պահին խոսում է, իսկ նախորդ ակտիվ օգտատիրոջից կցուցադրվի ավելի ցածր որակի:
Եթե զրուցակիցները շատ են, ոչ ակտիվները միացվում են ձայնային զանգի ձեւաչափին, բայց հենց նրանք սկսեն խոսել, նրանց խցիկի տեսանյութը կհայտնվի էկրանին: Զրույցներն ավտոմատ համաժամանակացվում են բոլորի սարքերում:
Նորամուծությունը արդեն հասանելի է «Օդնոկլասնիկիի» վեբ տարբերակում, ինչպես նաեւ iOS եւ Android հավելվածներում: Շուտով պետք է տեղի ունենա չաթերի հետ ինտեգրումը, որ օգտատերերը կարողանան ֆայլեր, լուսանկարներ եւ տեսանյութեր փոխանակել: