News
Լրահոս
News
Ուրբաթ
Փետրվար 22
Տեսնել լրահոսը

Ամուլսարի հարակից համայնքների մոտ 200 կանանց անունից բաց նամակ է հղվել ՀՀ Մարդու իրավունքների պաշտպանին, ոստիկանությունը եւ կանանց իրավունքների պաշտպանության հասարակական կազմակերպություններին:

Նամակում, մասնավորապես, ասվում է.

«Մենք՝ Ամուլսարի հարակից համայնքներից «Լիդիան Արմենիա» ընկերության աշխատակից հանդիսացող բազմաթիվ կանայք դիմում ենք համապատասխան կառույցներին, մարդու իրավունքների ու կանանց իրավունքների պաշտպանությամբ զբաղվող հասարակական կազմակերպություններին:

Ամուլսարի ծրագիրը այս համայնքերում բազմաթիվ կանանց համար ոչ միայն արժանապատիվ աշխատանքի, այլեւ սահմանափակ հնարավորություններով մեր գյուղական համայնքերում նոր մասնագիտություն սովորելու, նոր կյանք սկսելու, մեր ընտանիքների սոցիալ-տնտեսական վիճակը բարելավելու, շատերիս համար՝ փոքր բիզնես նախաձեռնելու եւ եղածը ընդլայնելու հնարավորություն է: Մեզանից շատերը Լիդիանում աշխատելու ընթացքում ձեռք ենք բերել նոր հմտություններ, շատերը ստացել են նոր մասնագիտություն, վերավորակավորում: Լիդիանը Հայաստանում այն բացառիկ կազմակերպություններից է, որ խթանում  է կանաց եւ տղամարդկանց համար հավասար հնարավորություններ, աշխատանքային հավասար պայմաններ եւ մենք հպարտ ենք, որ ունենք արժանապատիվ աշխատանքի եւ զարգացման հնարավորություն:  Վերջին երկու տարում Ընկերությունն աջակցել է ավելի քան 50 փորքր բիզնեսների, որոնցից մեծ մասը վարում են կանայք – մենք անցել ենք բիզնես դասընթացներ, ստացել աջակցություն, վարել մեր բիզնեսները՝ սատարելու մեր ընտանիքներին եւ նրանց բարեկեցությանը:

Գրեթե երկու ամիս մի խումբ անձինք ապօրինի փակել են դեպի մեր աշխատավայր տանող ճանապարհը՝ զրկելով մեզ աշխատելու սահմանադրական իրավունքից: Պատկան մարմինները ապօրինությունը վերացնելու ուղղությամբ որեւէ քայլ չեն ձեռնարկել: Սա ոչ միայն մարդու իրավունքների կոպիտ խախտում է, այլեւ արտագաղթի եւ աղքատության ֆոնին ամենախոցելի խմբի՝ կանանց իրավունքների ոտնահարում է:

Ավելին՝ հատկապես Ջերմուկում եւ Գնդեվազում այս մարդանց կողմից իրականացվում է մեզանից շատերի դեմ ագրեսիվ հարձակում: Հնչեցվում են սպառնալիքներ, իրականացվում է բացահայտ հետապնդում՝ կրիմինալ տարրերի եւ տարբեր շահերի ծառայող մարդկանց կողմից: Ստեղծվել է մի իրավիճակ, երբ լիակատար անարխիայի պայմաններում մի խումբ մարդիկ անարգել սպառնում եւ ճնշումներ են գործադրում հարյուրավոր ազնիվ քաղաքացիների դեմ: 

Թող որեւէ մեկը կասկած չունենա, որ մենք՝ աշխատելով Լիդիանում, բոլորից լավ ենք պատկերացնում, թե ինչ բարձր բնապահպանական չափանիշներ են կիրառվում Ամուլսարում: Թող որեւէ մեկը չասի, որ մեզանից շատ է սիրում իր համայնքը, իր ընտանիքն ու երեխաներին:  Համայնքի հանդեպ սերը առաջին հերթին ամենօրյա ազնիվ աշխատանքն է: Մենք բոլորից շատ ենք շահագրգրռված մեր ընտանիքների բարեկեցությամբ եւ բնապահապանությամբ: Տեղյակ լինելով բոլոր մանրամասներին՝ վստահ ենք, որ ճանապարհը ապօրինի փակող եւ մեզանից ոմանց հանդեպ ակնհայտ ահաբեկչություն իրականացնող այս անձանց շարժառիթները բնապահպանական չեն:

Կոչ ենք անում պատկան մարմիններին պաշտպանել մեզ այս ապօրինությունից եւ ակնկալում ենք իրավապաշտպան կազմակերպությունների հատուկ եւ ժամանակին ուշադրությունը: Կանայք ընտանիքի սյունն են, ապագա սերունդ դաստիարակողը, հաց վաստակողը, նվիրված աշխատողը: Մեր իրավունքների խախտումը կրկնակի հարված է մեր համայնքների ամրությանը եւ պետության կայացմանը:

Տպել
Կարդացեք նաև
Ամբողջը
«Ժողովուրդ». Ինչպես կրճատումները անել, որ քիչ ցավոտ լինի. սցենարը արդեն որոշվել է
Միեւնույն ժամանակ, որոշում է կայացվել, որ սկզբնական շրջանում սպասարկման ոլորտի աշխատողները չեն կրճատվելու, այլ...
«Արսենալ ԼՏԴ» ՍՊԸ-ն արտոնություն ստացավ՝ զենքի և զինամթերքի արտադրության մեջ կիրառվող ապրանքների ներմուծման համար
Արտադրանքի ընդհանուր ծավալը տարեկան կկազմի 44 մլրդ 400 մլն դրամ...
Հայաստանում սոցիալ-տնտեսակա իրավիճակը քաղաքացիներին թույլ չի տալիս բնական արտադրանք գնել. Դ. Պիպոյան
Նրա խոսքով՝ հարկավոր է կաթնամթերքի մակնշման ե որակի բարձրացման ուղղությամբ աշխատանք տանել, սակայն սպառողները հաճախ..
Սննդամթերքի կեղծման համար արտադրողը պետք է քրեական պատասխանատվության ենթարկվի. պաշտոնյա
Պաշտոնյան ընդգծեց, որ հարկավոր է հավասարակշռություն ստեղծել արտադրողի եւ սպառողի շահերի միջեւ...
«Տպավորություն է, որ ՀՀ հանքերի մեծ մասը կառավարվում է մի կետից». Գրություն կվերահասցեագրվի դատախազությանը
Կարո՞ղ են վստահ լինել, որ մինչև վերջին ֆիզիկական անձը, որը մի քանի կոմբինացիաներով «օֆշորի-օֆշորի-օֆշոր» է ստեղծել, գտնելու են…
Կառավարության նիստի օրակարգում 30 հարց է, որից 19-ը՝ չզեկուցվող
ՀՀ ԱԺ 2018 թվականի ընտրություններում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալու մասին...