ԱՄՆ-ի Դաշնային մարշալների ծառայությունը 20 հազար ԱՄՆ դոլարի չափով դրամանակ պարգեւ է հայտարարել տեղեկության համար, որը կնպաստեր 27-ամյա Շոն Ռիչարդ Քրիսթիի ձերբակաությանը: Քրիսթին Facebook-ում հայտարարել էր նախագահ Դոնալդ Թրամփին սպանելու մտադրության մասին: Այս մասին հաղորդում է «ՏԱՍՍ»-ը՝ վկայակոչելով CNN հեռուստաընկերությունը:
Ըստ իրավապահ մարմինների ներկայացուցիչների, որոնց վկայակոչում է հեռուստաընկերությունը՝ Քրիսթիանը Թրամփի եւ Նորթհեմփթոնի դատախազ Ջոն Մորգանելիի հասցեին սպառնալիքներ պարունակող ուղերձ էր հրապարակել սոցիալական ցանցում: Ոստիկանության տվյալներով՝ հետախուզության մեջ գտնվող տղամարդուն նկատել էին նախորդ շաբաթվա վերջին Մերիլենդ նահանգի Քեմբերլենդ քաղաքում՝ գողացված ավտոմեքենայի ղեկին:
Քրիսթին որոնվում է նաեւ այլ մեղադրանքներով, այդ թվում՝ կողոպուտի եւ պայմանական ազատ արձակման ռեժիմի խախտման համար:
