Facebook սոցիալական ցանցը ներդրել է օգտատերերի հեղինակությունը գնահատելու համակարգ՝ զրոյից մինչեւ 1 սանդղակով որոշելով բարեհուսության աստիճանը: Համակարգը, որի մասին նախկինում չի հաղորդվել, սոցցանցը պատրաստել է նախորդ տարվանից հաղորդում է «Կոմերսանտը»՝ վկայակոչելով The Washington Post-ին:
Ապատեղեկատվության համար պատասխանատու Տեսա Լիոնսը հայտարարել է, որ սանդղակը մշակվել է կեղծ լուրերի դեմ պայքարի շրջանակներում:
Վերջերս սոցիալական ցանցը միանգամից մի քանի սկանդալների կենտրոնում էր հայտնվել. սկզբում սոցցանցին քննադատում էին 2016 թվականի ամերիկյան նախագահական ընտրությունների քարոզարշավի ժամանակ հայտնված բազմաթիվ կեղծ լուրերի համար: Այս գարնանն էլ հայտնի դարձավ, որ 50 միլիոն օգտատերերի տվյալները օգտագործվել են Cambridge Analytica ընկերության կողմից:
Հերթական ֆինանսական հաշվետվության հրապարակումից հետո Facebook-ի բաժնետոմսերի 24 տոկոսով անկումը վկայում է այն մասին, որ ներդրողները ընկերությունից սպասում են միայն հաջող արդյունքներ:
Facebook-ի եկամուտը աճել է 42 տոկոսով, իսկ շահույթը` 31 տոկոսով, սակայն այդ արդյունքները չեն բավարարել ներդրողներին, քանի որ վերլուծաբանների ակնկալիքներից ցածր էին:
