Լեռնային Ղարաբաղի հարցով ԵԽԽՎ ենթահանձնաժողովի նոր ղեկավար Խորդի Հուկլա ի Կոստան մտադիր է ուսումնասիրել հակամարտության թեմատիկան եւ կապ հաստատել երկու կողմերի հետ՝ նախքան ենթահանձնաժողովի պաշտոնական մեկնարկը այս տարվա ապրիլին, հաղորդում է Trend-ը:
Խոսելով գործունեության ծրագրերի մասին՝ Կոստան ասել է, որ փետրվարին եւ մարտին ծրագրում է մանրամասն ուսումնասիրել իրավիճակը, կապեր հաստատել ակադեմիական շրջանակների, որոշ քաղաքական գործիչների եւ դեսպանների հետ: Ենթահանձնաժողովը պաշտոնապես սկսելու է իր աշխատանքը ապրիլին, երբ նախատեսված են առաջին պաշտոնական շփումները Ադրբեջանի եւ Հայաստանի ղեկավարության հետ:
Իսպանացի պատգամավորը, ըստ ադրբեջանական գործակալության, հայտարարել է, թե դժգոհություն չի նկատել ենթահանձնաժողովի աշխատանքի նկատմամբ հայկական կողմից: Հայաստանի պատվիրակությունը կասկածանքով է վեաբերվել գաղափարին, բայց դեմ չի արտահայտվել:
Ենթահանձնաժողովի նախագահն առայժմ չի ծրագրում այց կատարել տարածաշրջան: