Գերմանիայի կանցլեր Անգելա Մերկելը ցանկանում է Եվրահանձնաժողովի նախագահի պաշտոնում Գերմանիայի ներկայացուցչի տեսնել։ Այս մասին հայտնել է Handelsblatt պարբերականը՝ վկայակոչելով կառավարության իր զրուցակցին։

Նրա խոսքով՝ հանուն դրա կանցլերը կարող է հրաժարվել Գերմանիայի դաշնային բանկի նախագահ Յենս Վայդմանին Եվրոպական կենտրոնական բանկի ղեկավարի պաշտոնին տեսնելու գաղափարից։ ԵՀ նախագահի պաշտոնը քաղաքականապես ավելի նշանակալի է, քան ԵԿԲ ղեկավարի պաշտոնը, նշել է Handelsblatt–ի զրուցակիցը։

Պարբերականի տվյալներով՝ ենթադրյալ թեկնածուներից մեկը Եվրախորհրդարանում ԵԺԿ խմբակցության նախագահ, ՔՍԴ նախագահ Մանֆրեդ Վեբերն է, մյուս հնարավոր թեկնածուներից են նշվում Գերմանիայի էկոնոմիակյի եւ էներգետիկայի նախարար Պետեր Ալթմայերը եւ պաշտպանության նախարար Ուրսուլա ֆոն դեր Լյայենը։