«Իսլամական պետություն» խմբավորման եկամուտները 2014 թվականից ի վեր 10 անգամ կրճատվել են՝մինչեւ 200-300 միլիոն դոլար տարեկան, հայտնել է ՌԴ Դաշնային անվտանգության ծառայության օպերատիվ տեղեկության եւ միջազգային կապերի ծառայության ղեկավար Սերգեյ Բեսեդան, փոխանցում է «ՌԻԱ Նովոստի»–ն։
«Եթե համեմատենք 2014 թվականին ֆինանսական մուտքերի հետ, որը գնահատվում էր մոտ 3 միլիարդ դոլար, ապա ներկայումս ԻՊ–ի զինյալներին հաջողվում է տարեկան ստանալ 200-300 միլիոն դոլար»,–ասել է նա։
Սա կապված է այն հանգամանքի հետ, որ զգալիորեն նվազել են մուտքերը նավթի արդյունահանումից ու հարկերից, որոնք զինյալները ստանում էին իրենց կողմից վերահսկվող տարածքներից։