Այս տարի 23-րդ թայֆուն Barijat-ը հինգշաբթի առավոտյան հասել է Չինաստանի Գուանդուն նահանգի Չժանցզյան քաղաք, նշված է Չինաստանի ազգային օդերեւութաբանական կենտրոնի հաղորդագրության մեջ, փոխանցում է «ՌԻԱ Նովոստի»-ն:
Թայֆունը Չինաստանի ափերին է հասել տեղական ժամանակով 8:30-ին, նրա կենտրոնում քամու հզորությունը հասել է 10 բալի (վայրկյանում 25 մետր):
Ինչպես հայտնում են օդերեւութաբանները, Գուանդուն նահանգում եւ հարակից շրջաններում առաջիկա օրերին հորդ անձրեւներ կտեղան, ինչի հետ կապված հրահանգվել է չափազանց զգույշ լինել, չգտնվել ափամերձ եւ լեռնային գոտիներում, որտեղ կարող են փլուզումներ առաջանալ:
Նահանգի իշխանությունները ավելի քան 12 հազար մարդու անվտանգ վայրեր են տարհանել, Հայնան կղզու եւ Գուանդուն նահանգի միջեւ Հայնան նեղուցով լաստանավային հաղորդակցությունը դադարեցվել է:
