News
Լրահոս
News
Երկուշաբթի
Մարտ 18
Տեսնել լրահոսը

«Փաստ» օրաթերթը գրում է. «Հայաստանում տեղի ունեցած իշխանափոխությունը, ի թիվս այլ հարցերի, հռչակեց նաեւ Հայաստանի սուվերենության բարձրացման գործընթաց: Նախորդ տարիներին անընդհատ շրջանառվող թեզն այն մասին, որ լեգիտիմ իշխանություն ունենալու պարագայում հնարավոր է կառուցել արժանապատիվ հարաբերություններ արտաքին դերակատարների հետ, այժմ՝ ընդդիմության իշխանության գալով եւ համաժողովրդական աջակցության առկայությամբ, շանս էր ստանում դառնալ իրականություն: 

Իրականության մեջ, սակայն, այժմ Հայաստանի արտաքին քաղաքական խնդիրները չեն պակասել, եթե չասենք՝ ավելացել են:

Փաշինյան–Քոչարյան քաղաքական դիմակայությունը, այդ դիմակայության մեջ երկու կողմերի ջանքերով երրորդ կողմի ներգրավման փորձերը վերոնշյալի ապացույցն են: Հայաստանի ներսում ծագած ներքաղաքական խնդիրը տեղափոխվել է Ռուսաստանի մայրաքաղաք եւ դրսեւորվում է մի դեպքում՝ հաճախակի պաշտոնական այցերով եւ այդ այցերի ընթացքում հնչող կոմպլիմենտների տարափով, մյուս դեպքում՝ զանգերով, շնորհավորանքներով: 

Բնականաբար, Ռուսաստանի նման գերտերության համար նման իրավիճակը ավելի քան հաճելի է: Փաստացի նրանք շանս ունեն մասնակցել հետհեղափոխական Հայաստանի ներքաղաքական պրոցեսներին՝ հիմնական երկու դերակատարների հետ սերտ կապերի միջոցով, ինչը նշանակում է ոչ միայն զիջել Հայաստանի սուվերենությունը, այլեւ, ըստ էության, Հայաստանի ներքաղաքական կյանքի սցենարները խմբագրելու շանս տալ այլ պետության:

Ռուսաստանին, իհարկե, չի հետաքրքրում Փաշինյան–Քոչարյան պայքարում հաղթողի անձը: Նրանց հետաքրքրում է այդ պայքարի առկայությունը, դրա հնարավորինս պերմանենտ վիճակը: Գուցե ինչ–որ պահի, երբ այդ դիմակայությունը էսկալացիայի նշաններ ցույց տա ու սպառնա դառնալ անկայունացնող գործոն Հայաստանում, նրանք փորձեն միջամտել վերջնական կերպով: Բայց այժմ, երբ դիմակայությունը ստատուս–քվոյի մակարդակում է, ռուսական կողմն առատորեն օգտվում է այդ ստատուս քվոյից՝ շահագրգռելով երկու կողմերին էլ, ֆորմալ եւ ոչ ֆորմալ աջակցություն հայտնելով, եւ այս ամենը բնականաբար արվում է ոչ անվճար»:

Առավել մանրամասն՝ թերթի այսօրվա համարում

Տպել
Կարդացեք նաև
Ամբողջը
Հայաստանի և Ռուսաստանի ԱԳ նախարարները հեռախոսազրույց են ունեցել
Քննարկվել են հայ-ռուսական դաշնակցային օրակարգին, երկկողմ և բազմակողմ հարթակներում համագործակցությանն առնչվող մի շարք հարցեր...
Աննա Հակոբյանը շնորհավորական ուղերձ է հղել Սվետլանա Մեդվեդեւային եւ ծաղկեփունջ ուղարկել
Ցանկանում եմ Ձեզ նման գեղեցիկ եւ նրբազգաց կնոջը անսպառ լավատեսություն, երջանկություն եւ սեր...
ՀՀ բնապահպանության նախարարը շնորհակալություն է հայտնել Ռուսաստանին անտառային հրդեհների մարմանն աջակցելու համար
Երկու տարի առաջ «Խոսրովի անտառ» ազգային արգելոցում ծագած հրդեհի մարման գործում իր ավանդն է ունեցել նաեւ Ռուսաստանը...
ՌԴ դեսպան. Հայաստանը Ռուսաստանի գործունեության գլխավոր առաջնահերթություններից է
Ինձ համար հատկապես կարեւոր է, որ Հայաստանը դիտարկվում է որպես մեր գործունեության գերակայություններից մեկը, ասել է ՌԴ դեսպանը...
Ռուսաստանն անհատույց հիմունքներով 3 մլն դոլար է հատկացրել Հայաստանում գյուղական զբոսաշրջության զարգացման համար
Նախագիծն իրականացվում է տեղացի այն ընտանիքների հետ, որոնք ցանկանում են եւ հնարավորություն ունեն ընդունելու զբոսաշրջիկների…
ԱԻ նախարարը ՌԴ-ին եւ ՄԱԿ ԶԾ-ին շնորհակալություն հայտնեց անտառային հրդեհների մարման հատուկ տեխնիկա փոխանցելու համար
Երբեմն անտառային հրդեհները մարելիս փոքր գործիքները եւ հատուկ միջոցներն ավելի օգտակար ու արդյունավետ են անմատչելի վայրերում, որտեղ չի կարող հասնել…