Ավստրալիայի վարչապետ Սքոթ Մորիսոնը հայտարարել է, որ կառավարությունը մտադիր է մթերքների կանխամտածված վնասման համար պատիժը խստացնել ընդհուպ մինչեւ 15 տարի ազատազրկում, գրում է ՏԱՍՍ-ը՝ վկայակոչելով Australian Associated Press-ին:
Կառավարության ղեկավարը այս ծրագրերի մասին հայտարարել է երկրի գյուղատնտեսության ոլորտում շարունակվող ճգնաժամի ֆոնի վրա, որը խուճապ է առաջացրել թարմ մրգերի շուկայում: Ելակի առնվազն յոթ ավստրալական արտադրողների արտադրանքում հայտնաբերվել են կարի ասեղներ եւ քորոցներ: Ավելի ուշ, ասեղները հայտնաբերվել են նաեւ խնձորներում եւ բանաններում:
Երկրի ոստիկանությունն ուսումնասիրում է վեց նահանգների տարածքում մրգերում ասեղների հայտնաբերման ավելի քան 20 դեպք, սակայն դեռեւս չի հաջողվում գտնել հանցագործմերին:
«Հիմա շատ կարեւոր է հանցագործներին հստակ ազդանշան տալ, պատիժը կլինի դաժան: Դուք 15 տարի եք ստանում մանկական պոռնոգրաֆիայի պահպանման եւ ահաբեկչության ֆինանսավորման համար: Սննդամթերքի մտածված վնասների համար դուք նույնպես կարող եք 10-ից 15 տարի ստանալ»:
Ավստրալիայի գյուղատնտեսության նախարարության տվյալներով, ոլորտն արդեն 160 միլիոն ավստրալական դոլարի չափով (115 միլիոն դոլար) վնաս է կրել:
Մորիսոնի խոսքով, կառավարությունը կմշակի նաեւ օրենքների փաթեթ, որոնք նոր մոտեցում կձեւավորեն նման հանցագործությունների դեպքում:
