«Բարգավաճ Հայաստան» կուսակցության առաջնորդ Գագիկ Ծառուկյանն այսօր՝ սեպտեմբերի 21–ին, խոստովանեց, որ «սեւ–սպիտակ» ֆլեշմոբն ուղղված էր Երեւանի քաղաքապետի՝ «Իմ քայլը» դաշինքի թեկնածու Հայկ Մարությանին։
«Խի՞ Նիկոլ Փաշինյանին ու ոչ Հայկ Մարությանին։ Ով ուզում ա լինի, ազգը չի կարելի կիսել, ազգը չի կարելի թշնամացնել, մենք պիտի միասնական լինենք»,– լրագրողների հետ զրույցում ասաց Գագիկ Ծառուկյանը։
Նշենք, որ Երեւանի Հյուսիսային պողոտայում ԲՀԿ–ն ֆլեշմոբ էր կազմակերպել։ Երեւանի ավագանու ընտրությունների քարոզարշավի վերջին օրը ԲՀԿ–կազմակերպել էին «Մենք բոլորս սպիտակ ենք» խորագրով ֆլեշմոբ։ Ավագանու ԲՀԿ–ական թեկնածուները բեմ բարձրացան սեւ շապիկներով, ապա դրանք փոխարինեցին սպիտակներով։ Ֆլեշմոբին միացան նաեւ այլ քաղաքացիներ։