«Մուսուլման եղբայրներ» իսլամական ասոցիացիայի հոգեւոր ուսուցիչ Մուհամմեդ Բադիան կիրակի դատապարտվել է ցմահ ազատազրկման՝ 2013 թվականի օգոստոսին բռնություններ եւ անկարգություններ սադրելու գործով, որոնք հետեւել են զինվորականների կողմից իշխանությունից նախագահ Մուհամմեդ Մուրսիի հեռացմանը: Այս մասին հայտնում է Al Shorouq պարբերականը:
Պարբերականի տեղեկություններով՝ նույնպիսի դատավճիռներ են կայացվել Էլ Մանիա նահանգի քրեական դատարանի կողմից եւս 64 իսլամականների նկատմամբ, որոնք անցել են այս գործով, 41 մարդ դատապարտվել է տարբեր պատժաչափերով՝ 3-ից մինչեւ 15 տարվա բանտարկության:
Իսլամականների հոգեւոր առաջնորդն արդեն մի քանի ցմահ ազատազրկման մահապատժի է դատապարտվել այլ քրեական գործերով՝ կապված 2013 թվականին մարդկանց նկատմամբ իրականացված բռնության եւ մահվան հետ:
