News
Լրահոս
News
Հինգշաբթի
Հոկտեմբեր 18
Տեսնել լրահոսը


Կարող է տարօրինակ թվալ, որ իշխող քաղաքական ուժը Երեւանի ավագանու ընտրություններում ստանում է այդքան ձայն, բայց բոլորդ գիտեք, որ այս ընտրություններին առանձնահատուկ քաղաքական կոնտեքստ էր հաղորդվել: Այս մասին Նյու Յորքի Յեյլ ակումբում Միացյալ Նահանգների հայ համայնքի ներկայացուցիչների հետ հանդիպման ժամանակ հայտարարել է ՀՀ վարչապետ Նիկոլ Փաշինյանը:

«Ես խնդրել էի այս ընտրություններում «Իմ քայլը» դաշինքի օգտին քվեարկելով քվեարկել նաեւ Ազգային ժողովի արտահերթ ընտրությունների օգտին կամ ընդդեմ դրա»,- ասել է Նիկոլ Փաշինյանը` հավելելով, որ առաջիկայում բանակցություններ կհրավիրի խորհրդարանական եւ ոչ խորհրդարանական քաղաքական ուժերի հետ` քննարկելու խորհրդարանական արտահերթ ընտրությունների ժամանակացույցն ու պայմանները:

«Կար տրամադրություն, որ դրանք անցկացվեն մինչ հաջորդ տարվա հունիս, բայց այն սպասողական վիճակը, որ ունեն պոտենցիալ ներդրողները, որոնց հարկավոր են երկարաժամկետ քաղաքական արձանագրումներ, ինչպես նաեւ տնտեսական միջավայրը բարենպաստ դարձնելու համար, ընտրությունները պետք է անցկացնենք ավելի վաղ, որպեսզի առավել շուտ սկսենք տնտեսության վերականգնման ընթացքը»,-հայտարարել է ՀՀ վարչապետը:

«Երեւանի ավագանու ընտրությունների արդյունքներով բոլորին ակնհայտ է, որ խորհրդարանական արտահերթ ընտրություններն անխուսափելի են, եւ դրանք պետք է հնարավորինս շուտ տեղի ունենան»,- ընդգծել է Փաշինյանը:

Ավելի վաղ NEWS.am-ը հայտնել էր, որ սեպտեմբերի 23-ին կայացած Երեւանի ավագանու ընտրություններում նախնական տվյալներով «Իմ քայլը» դաշինքը ստացել է 81,06 տոկոս, ԲՀԿ-ն՝ 6,95 տոկոս, «Լույս» դաշինքը՝ 4,99 տոկոս:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նիկոլ Փաշինյանի կառավարության 5 ամենալուրջ սխալները. Վարդան Հարությունյան
Մերժված իշխանության առանցքային կադրերով նոր Հայաստան կառուցելու փորձերը եւ դրանք արդարացնելու միամիտ բացատրությունները...
Այս ամիսներին ես տեսա, որ Փաշինյանի նպատակները ազնիվ են. Կոստանյանը՝ իր դիրքորոշման փոփոխության մասին
Ինձ շատ դժվար է մեղադրեն անսկզբունքայնության մեջ հիմնավոր կերպով, իսկ անհիմն շատ բան կարելի է անել...
Նիկոլ Փաշինյանը հրաժարական տվեց
Եթե պատգամավորների ընդհանուր թվի ձայների մեծամասնությամբ վարչապետ չի ընտրվում, ապա Ազգային ժողովն արձակվում է իրավունքի ուժով…
Եթե վարչապետը կարողացավ հետաձգել իր հրաժարականը ֆրանկոֆոնիայի համար, ինչո՞ւ դա չարեց ՀԱՊԿ-ի համար. Աշոտյան
Ֆրանկոֆոնիայի համար վարչապետը կայացրեց ճիշտ որոշում, սխալ կլիներ հրաժարական տալ մի քանի տասնյակ երկրների այցից առաջ կամ ընթացքում...
Նիկոլ Փաշինյանը ելույթով հանդես կգա այսօր 20։00–ին
Վարչապետի ելույթը կլինի ուղիղ հեռարձակմամբ Հանրային հեռուստաընկերության եթերում…
ԱԱԾ–ն թույլ չի տա, որ որեւէ ուժի կամ անհատի կողմից սահմանադրական կարգի խախտում կատարվի. Վանեցյան
Նա հավաստիացրեց, որ իրենք տիրապետում են իրավիճակին, եւ թույլ չեն տա, որ հանկարծ որեւէ ուժի կամ անհատի կողմից թույլ տրվեն այնպիսի խախտումներ...
Ամենաշատ
Partner news