ԱՄՆ-ում Չինաստանի քաղաքացի է կալանավորվել, ում մեղադրում են ամերիկացի գիտնականների եւ ինժեներների հավաքագրելու փորձի մեջ, փոխանցում է AFP-ն:
Նշվում է, որ Ցզի Չաոկունին հանձնարարվել էր չինական հետախուզությանը ներկայացնել ԱՄՆ 8 քաղաքացիների կենսագրական տվյալները, որոնցից մի քանիսը պաշտպանության ոլորտի կապալառուներ են:
Իշխանությունների խոսքով՝ ութն էլ ամերիկահպատակներ էին, որոնք ծնվել էին Թայվանում կամ Չինաստանում: Բոլորը կամ աշխատում էին, կամ վերջերս էին աշխատանքից ազատվել, որը կապված էր գիտության եւ տեխնոլոգիաների հետ: