Սաուդյան Արաբիայի գահաժառանգ արքայազն Մուհամմեդ բեն Սալման Ալ Սաուդը հայտարարել է, որ նավթարտադրողների մեծամասնությունը ապագայում համաշխարհային շուկայից կանհետանան, հայտնում է Bloomberg-ը:
Այս տեսակի հումքի արդյունահանումը, մասնավորապես, կկրճատվի Ռուսաստանում: «Ռուսաստանում 19 տարի հետո նավթի արտադրությունը սաստիկ կկրճատվի, եթե ամբողջությամբ չանհետանա՝ իր 10 մլն բարելով»,- պարզաբանել է Ալ Սաուդը:
Դրանից բացի, սաուդցի արքայազնը կանխատեսել է գրեթե 5 տարի հետո նավթի համաշխարհային շուկայից Չինաստանի հեռանալը: Նրա խոսքով՝ հումքի մյուս արտադրողները եւս «ամեն օր կանհետանան»: Չնայած դրան նավթի պահանջարկը կաճի մինչեւ 2030 թվականը տարեկան ավելի քան 1 տոկոսով, այս պատճառով Սաուդյան Արաբիան ապագայում մատակարարումները պետք է մեծացնի:
«Մենք չենք կարծում, որ այս ոլորտում Սաուդյան Արաբիայի համար որեւէ վտանգ կա: Այսօր ոչ ոք չի խոսում օդանավերի մասին, որոնք թռչում են էլեկտրականությամբ, կամ նավերի մասին, որոնք ծովում լողարկում են էլեկտրականությամբ: Դրան հավելենք նավթաքիմիայի կողմից պահանջարկը եւ 10-30 տարի հետո նավթաքիմիայի հեռանկարները»,- ամփոփել է Ալ Սաուդը:
Ավելի վաղ Մուհամմեդ Ալ Սաուդը հայտարարել էր, որ Սաուդյան Արաբիան ԱՄՆ-ին չի վճարի իր անվտանգության համար: Նա հավելել էր, որ Էր Ռիադի եւ Վաշինգթոնի միջեւ համաձայնագիրը Սաուդյան Արաբիային թույլ է տալիս զենք արտադրել ամերիկյան տեխնոլոգիայի հիման վրա, եւ սա լավ ձեռքբերում է ինչպես Սպիտակ տան, այնպես էլ արաբական երկրների համար:
