Ճապոնացի միլիարդատեր Յուսակու Մաեձավան, որը մտադիր է Լուսնի առաջին զբոսաշրջիկը դառնալ, Տոկիոյում մամուլի ասուլիսին հայտարարել է, որ իր զուգընկերուհին՝ դերասանուհի եւ մոդել Այամէ Գորիկան Լուսին թռչելու հնրավորություն եւս ունի, եթե նա այդ ճանարապարհորդության ժամանակ որեւէ առաքելություն ստանձնի, հաղորդում է «ՌԻԱ Նովոստին»:
«Բացի ինձանից դեռ ոչ մի թեկնածու չկա: Նա (26-ամյա դերասանուհի եւ մոդել Այամէ Գորիկան) գիտի, իհարկե այդ նախագծի մասին եւ իր համար շատ հետաքրքիր է: Նա անգամ ասում է, որ ուզում է թռչել: Բայց ինչպես դուք գիտեք, այս նախագիծը մեծ առաքելություն է: Արվեստի գործիչներից յուրաքանչյուրը իր դերը կունենա: Ես էլ որպես նախագծի ղեկավար իմ դերը կունենամ: Սա պարզապես ուրախ ճանապարհորդություն չէ: Ուստի եթե նրա համար էլ ինչ-որ դեր կամ առաելություն գտնվի եւ ուղեւորության մյուս բոլոր մասնակիցներն ընդունեն նրան, ապա նա էլ հնարավորություն կունենա: Մենք ուզում ենք, որ ամեն ինչ լուրջ լինի: Մեր հարաբերությունները նորմալ են զարգանում», — հավելել է 42-ամյա ձեռնարկատերը:
Մաեձավան Ճապոնիայում հայտնի է ոչ միայն որպես հաջողված ձեռնարկատեր (ունեցվածքը գնահատվում է 3 մլրդ դոլար), այլեւ որպես փլեյբոյ, որը երիտասարդ դերասանուհիների է տալիս իր նախապատվությոևւնը: Դեպի Լուսին թռիչքին մնացել է 5 տարի, մինչդեռ Մաեձավայի վերջին սիրավեպերը 2 տարուց ավել չեն տեւում: Մաեձավան երբեք ամուսնացած չի եղել, բայց տարբեր կանանցից երեք երեխա ունի: