ԿԺԴՀ ղեկավար Կիմ Չեն Ընը նոր շքեղ մեքենա ունի: Համենայնդեպս այդ մասին կարելի է դատել այն տեսագրությունից, որը տարածվել է անցյալ շաբաթ Հյուսիսային Կորեայի առաջնորդի եւ ԱՄՆ պետքարտուղար Մայք Պոմպեոյի հանդիպումից հետո, հաղորդում է RG-ն:
Կիմ Չեն Ընը ժամանել էր ամերիկյան Rolls-Royce Phantom-ով, որի արժեքը 720 հազար դոլար է: Վերջին 5 տարվա ընթացքում կոնցեռնը արտադրել է նման դասի 10 հազար մեքենա:
Նախկինում Կիմ Չեն Ընը զրահապատ Mercedes-Maybach Pullman Guard էր օգտագործում: Հայտնի չէ, թե նոր մեքենան պաշտպանվածության ինչ աստիճան ունի:
