Կանադան ղարաբաղյան հակամարտության խաղաղ կարգավորման հույս ունի: Այս մասին Կանադայի վարչապետ Ջասթին Թրյուդոն հայտարարեց վարչապետ Նիկոլ Փաշինյանի հետ Երեւանում կայացած համատեղ մամուլի ասուլիսի ժամանակ:
Նա արձանագրեց բանակցությունների անցկացման եւ խաղաղ կարգավորման, մինսկյան գործընթացի շարունակման եւ խաղաղ կարգավորման անհրաժեշտությունը՝ հանուն տարածաշրջանի ժողովուրդների բարօրության:
Փաշինյանն, իր հերթին, նշեց, որ կանադացի գործընկերոջը տեղեկացրել է հանդիպումների եւ պայմանավորվածությունների մասին: Վարչապետը նշեց, որ բանակցություններն ընթանում են ԵԱՀԿ Մինսկի խմբի շրջանակում, բայց շատ կարեւոր է, որ միջազգային գործընկերներն իմանան մեր մոտեցումների եւ իրավիճակի մասին:
Նա շեշտեց, որ հակամարտությունը պետք է կարգավորվի բացառապես խաղաղ ճանապարհով, բանակցությունների միջոցով: