Մեծ Բրիտանիայի ԱԳ նախկին նախարար Բորիս Ջոնսոնը, որը «կոշտ բրեքսիթի» կողմնակից է, երկրի վարչապետ Թերեզա Մեյին կոչ է արել մերժել բրեքսիթի հարցով Եվրամիության պահանջը, փոխանցում է Reuters-ը:
Պարբերականը նշում է, որ խոսքը հատուկ գործարքի մասին է՝ ուղղված բրեքսիթից հետո Իռլանդիայի հետ կոշտ սահմանից խուսափելուն:
Նրա կարծիքով՝ ամեն ինչ իրենց տեղը վերադարձնելու միակ միջոցը սահմանափակումներից հրաժարվելն է, այնուհետեւ նաեւ Chequers ծրագրից, որը վերաբերում է բրեքսիթին:
Ջոնսոնն այս մասին նշել է Belfast News Letter-ի հոդվածում, որ վերաբերում է մի շարք առաջարկների, որոնք առաջ են քաշվել հուլիսին Մեյի Chequers ծրագրից հետո:
Ջոնսոնն իր հրաժարականի մասին հայտարարել էր հենց Chequers ծրագրի պատճառով, որի համաձայն՝ բրեքսիթից հետո նախատեսվում է ԵՄ-ի հետ սերտ առեւտրային կապերի պահպանում: