Բիզնեսմեն եւ Թրամփի փեսա Ջարեդ Քուշները 2009 թվականից մինչեւ 2016 թվականը, ամենայն հավանականությամբ, խուսափել է դաշնային հարկերի վճարումից՝ տեղեկացնում է The New York Times-ը։
Թերթը գրում է, որ Քուշների կարողությունը 324 մլն դոլար է կազմում, սակայն նա չի վճարում հարկերը։ Ըստ թերթի տվյալների՝ Քուշները տարիներով օգտագործել է ամորտիզացիոն վճարումների սխեման։ Սա թույլ է տվել ճշմարտանման հարկային հաշվետվություններ կազմել, սակայն, փաստորեն, նա եւ նրա հետ կապված կազմակերպությունները ոչինչ չեն կորցրել։
Ավելի վաղ BuzzFeed-ը տեղեկացրել էր, որ Քուշները, շրջանցելով խմբագրին, հանում է իր թերթի ոչ նպաստավոր հոդվածները։