Ադրբեջանի ԱԳՆ-ն ընդարձակում է այն անձանց «Սեւ ցուցակը», որոնց արգելված է Ադրբեջան մուտքը այն պատճառով, որ այցելել են Լեռնային Ղարաբաղ:
Այսօր ցուցակի մեջ են մտցվել ՌԴ Պետական դումայի միջազգային գործերով կոմիտեի փոխնախագահ, իշխող «Եդինայա Ռոսիա» կուսակցության պատգամավոր Սվետլանա Ժուրովան եւ գրական մրցանակների դափնեկիր, ռուս հայտնի գրող Լյուդմիլա Ուլիցկայան:
Ուղեւորության արդյունքներով «Սեւ ցուցակի» մեջ ընդհանուր ներառվել է 8 մարդ, իսկ հատկապես՝ բժշկական պալիատիվ օգնության «Հավատ» հիմնադրամի հիմնադիր Աննա (Նյուտա) Ֆեդերմեսերը, «Կամավորներ՝ հանուն որբ երեխաների օգնության» բարեգործական հիմնադրամի ղեկավար Ելենա Ալշանսկայան, «Կանանց երկխոսություն» կուսակցության նախագահ Ելենա Սեմերիկովան, լրագրողներ Կատերինա Գորդեեւան եւ Կիրա Ալտմանը, «Երազանքի դահուկներ» հիմնադրամի տնօրեն Օլգա Շիլովան, ՌԴ Պետդումայի պատգամավոր Սվետլանա Ժուրովան եւ գրող Լյուդմիլա Ուլիցկայան, ում «Հակոբի սանդուղք» վեպը նախկինում թարգմանվել է ադրբեջաներեն:
Հիշեցնենք, որ ռուսաստանցի կանայք Լեռնային Ղարաբաղ էին այցելել վարչապետ Նիկոլ Փաշինյանի խաղարարար նախաձեռնության շրջանակում:
