News
Լրահոս
News
Շաբաթ
Նոյեմբեր 17
Տեսնել լրահոսը


Այո, ՀՀԿ-ի ներսում կա մոտեցումների տարբերություն ԱԺ ընտրություններին մասնակցել-չմասնակցելու հարցով: Այս մասին այսօր՝ հոկտեմբերի 16-ին, ԱԺ-ում լրագրողների հետ զրույցում նշել է ՀՀԿ խմբակցության պատգամավոր, ՀՀԿ փոխնախագահ Արմեն Աշոտյանը:

Նա նշեց, որ ՀՀԿ-ում մի մասը, այդ թվում ինքը, կարծում են, որ պետք է մասնակցել ԱԺ արտահերթ ընտրություններին, իսկ մի մասն էլ պնդում է, որ այս ընտրական փուլը պետք է բաց թողնել եւ պատրաստվել հաջորդ քաղաքական զարգացումներին:

«Կուսակցությունը դեռ վերջնական որոշում չունի, որովհետեւ դեռ նշանակված էլ չեն արտահերթ ընտրությունները: Այս փուլում ընթանում են վերլուծական, հետազոտական աշխատանքներ, հանրային կարծիքի ուսումնասիրություններ, մոնիտորինգ: Երբ նշանակվեն ընտրությունները, մենք մեր որոշումը կհրապարակենք:

Ես կարծում եմ, որ ՀՀԿ-ն եւ ասելիք ունի, եւ անելիք ունի ՀՀ քաղաքական կյանքում: ՀՀԿ-ն այն բացառիկ կուսակցություններից է, որ ունի գաղափարական հիմք: Այլ հարց է, թե վերջին տարիներին մեզ որքանով է հաջողվել այդ գաղափարական ակունքները զուլալ պահել»,-հայտարարեց Աշոտյանը:

Հարցին, թե այդ հարցում ի՞նչ է մտածում Սերժ Սարգսյանը, Աշոտյանը պատասխանեց. «Սերժ Սարգսյանը այս պահի դրությամբ լսում է կարծիքները, որոնք շատ են, հիմնավորումները՝ տարբեր: Կուսակցության նախագահը խրախուսում է այդ ինտելեկտուալ բանավեճը: Մեզ մոտ որոշումներ կայացնելու համար քննարկումների լայն հարթակ կա: Դժվարանում եմ ասել՝ ինչպիսին կլինի վերջնական որոշումը, բայց այդ որոշումը կկայացվի պատեհ ժամկետներում»:

ՀՀԿ-ական պատգամավորը համոզմունք հայտնեց, որ ՀՀԿ-ն պետք է մասնակցի ԱԺ ընտրություններին, որովհետեւ այս իրողությունների մեջ, ունի ներուժը վերափոխվելու, իր փորձը ծառայեցնելու հանրապետությանը. «Չի կարելի 10 տարին մեկ քաղաքական դաշտը սրբել գցել մի կողմ, եւ նոր քաղաքական դաշտ մոդելավորել: Շատ ցավում եմ, որ ժամանակին մենք կորցրեցինք ՀՀՇ-ի օրոք քաղաքական վերնախավի մի զգալի ներուժ: Ես չեմ ուզենա, որ այդ քաղաքական ներուժը մսխելու ճակատագիրը սպառնա որեւէ նախկին իշխանության, այդ թվում ՀՀԿ-ին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արմեն Աշոտյանը կառաջադրվի թիվ 4 ընտրական տարածքում եւ կլինի ՀՀԿ նախընտրական շտաբի քարոզչության ղեկավարը
Այս տարիների ընթացքում ձեռքբերված հմտությունները, գործած սխալների դասերը, հարված պահելու բնավորությունս...
«Ժամանակ». Նոր դաշի՞նք. Բանակցում են Արամ Սարգսյանը, Արագած Ախոյանը եւ Խաչատուր Քոքոբելյանը
Բայց թե այդ անձնական մտերմությունը կվերածվի քաղաքականի...
«Ժամանակ». Հովիկ Աբրահամյանի ջուրն ու ՀՀԿ-ի տոկոսը. ով է ձայն հանելու. ՀՀԿ-ն կարող է շուռ տալ իրավիճակը
Եվս մի քանի այդպիսի տեղեկություն, եւ ՀՀԿ-ն ոչ միայն 5, այլեւ նույնիսկ 0,5 տոկոս կարող է չհավաքել...
«Հանրապետությունն» ու «Ազատ դեմոկրատները» դաշինքո՞վ կմասնակցեն ԱԺ ընտրություններին
Այս շաբաթվա ընթացքում տեղի կունենա ընդլայնված նիստը, որի ընթացքում կորոշվի, թե ինչ ձեւաչափով մասնակցենք ընտրություններին...
«Քաղաքացու որոշում» ՍԴ սոցիալ-դեմոկրատական կուսակցության հիմնական նպատակը խորհրդարանական ընտրություններին մասնակցելը չէ
Արեգ Թադեւոսյանը նշել է, որ կուսակցության ինքնուրույն է հոգալու իր ծախսերը․․․
Շիրակ Թորոսյանն ու Ֆելիքս Ցոլակյանը կլինեն ՔՊ ցուցակում․ Լենա Նազարյան
Ելք» խմբակցության ղեկավարի խոսքով՝ ՔՊ-ն ինչպես եւ ավագանու ընտւրություններին, այնպես էլ ԱԺ արտահերթ․․․
Partner news