News
Լրահոս
News
Կիրակի
Մայիս 26
Տեսնել լրահոսը

ԱՄՆ-ում 93 կանայք դատարան հայց են ներկայացրել Կալիֆոռնիայի համալսարանի դեմ՝ այն բանի համար, որ հաստատությունը տարիներ շարունակ անտեսել է ուսանողական բժշկական կենտրոնի հաճախորդների բողոքները գինեկոլոգ Ջորջ Թինդալի ոտնձգությունների դեմ՝ տեղեկացնում է Associated Press-ը։

Հայցվորները պնդում են, որ Թինդալը բուժզննման եւ խորհրդատվությունների ժամանակ ոտնձգություններ է կատարել իրենց հանդեպ։

Տուժածներից մեկի՝ Դանա Լոուիի խոսքերով՝ բժիշկը 1993թ․ իրեն բռնաբարել է։ Վերջին կուրսի ուսանողուհի Բրենան Հեյլն ասել է, թե բժիշկն անպատշաճ վարք է դրսեւորել, երբ ինքը բռնաբարությունից հետո եկել է նրա մոտ ընդունելության։

Երկու կանայք էլ հաստատել են, որ իրենք այդ մասին հայտնել են համալսարանի թեժ գծին, սակայն որեւէ արդյունք չի եղել։

Հետաքննության ընթացքում պարզվել է, որ 1988-ից սկսած՝ Թինդալի դեմ բողոք է ներկայացրել 500 ուսանող եւ շրջանավարտ։ Ոմանք վկայել են, որ բժիշկն իրենց կոպիտ արտահայտություններով է դիմել, ռասիստական ակնարկներ է թույլ տվել, մյուսներն ասել են, թե ստիպել է իրենց մերկանալ եւ նկարել է սեռական օրգանները։

Այժմ Թինդալը 71 տարեկան է, նա համալսարանում աշխատել է 30 տարի, եւ անցյալ տարի ազատվել է իր ցանկությամբ։

Իսկ համալսարանի նախագահ Սի Էլ Մաքս Նիկիասը օգոստոսին ազատվել է աշխատանքից այն բանից հետո, երբ նրա հրաժարականն են պահանջել 200 պրոֆեսորներ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մերձմոսկվայում կինը կծել եւ ծեծել է ոստիկաններին
Երկրորդ ոստիկանը վերքեր է ստացել կծելու հետեւանքով...
Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս
Փաստի առթիվ հարուցվել է քրգործ, ձեռնակրվում են միջոցառումներ դեպքի բոլոր հանգամանքները պարզելու ուղղությամբ...
Փամբակ գյուղի բնակիչը խոստովանել է, որ ինքն է բենզասղոցով 17 ծառ հատել
Ձեռնարկվում են միջոցառումներ մնացած ծառերը հատած անձանց ինքնությունը պարզելու ուղղությամբ…
Ավտոբուսում գողացել էին կնոջ դրամապանակը. Դեպքից 4 ժամ անց 21-ամյա Խաչիկը բերման է ենթարկվել
Մայիսի 24-ին, ժամը 19.40-ին, ոստիկանության Արաբկիրի բաժին ներկայացած կինը հայտնել է, որ ժամը 17.10-ից 17.40-ն ընկած ժամանակահատվածում…
Վրաստանում «գողական աշխարհի» անդամների դեմ կեղծ ցուցմունքների համար 3 անձ ձերբակալվել է
Քննությունը պարզել է, որ, երբ դատաքննության ժամանակ մեղադրյալներին հարցաքննել են որպես վկա, նրանք կեղծ ցուցմունքներ են տվել...
Գողության դեպք միկրոավտոբուսում. Գրպանահատը բռնվեց գողությունից րոպեներ անց
Դեպքի առթիվ նախապատրաստվում են նյութեր…