Բրիտանական Դոնքասթեր քաղաքի բնակչուհի Ջոդի Քիգանսը պատմել է, որ վեցամյա դուստրը փրկել է իրեն ամուսնու բռնությունից, որը նա հանդուրժել է երեք տարի շարունակ, գրում է «Լենտան»՝ վկայակոչելով The Sun-ին։
2017 թվականի հոկտեմբերին աղջիկը մոտեցել է իր ուսուցչուհուն եւ պատմել, որ հայրը խոշտանգում է մորը։ Ուսուցչուհին դիմել է ոստիկանություն, որի արդյունքում տղամարդուն կալանավորել են, ապա 2018-ի սեպտեմբերին դատապարտել 18 տարվա ազատազրկման։
Տղամարդուն կալանավորելուց հետո կնոջը տեղափոխել են հիվանդանոց։ Նրա մոտ ախտորոշվել է ուսի եւ կողոսկրերի կոտրվածք, ողնաշարի վնասվածք, կնոջ գլխին տեղ-տեղ մազերը պոկված էին եղել, իսկ մարմնին առկա է եղել կծելու հետքեր։ Հիվանդանոցում նա անցկացրել է սուրբծննդյան հինգ օր․ «Դա իմ կյանքի լավագույն Սուրբ ծնունդն էր»,-խոստովանել է Քիգանսը։
Նա պատմել է, որ ամուսինը միշտ այդպես դաժան չի եղել։ Նրանք ծանոթացել են 2005 թվականին գիշերային ակումբում, իսկ 3 տարի անց ամուսնացել են։
Ամուսինը նրան թույլ չի տվել աշխատել, օգտվել բջջային հեռախոսից, հանդիպել ընկերների կամ ընտանիքի անդամների հետ։ Կինը անգամ չի կարողացել ներկա գտնվել քրոջ հուղարկավորությանը, որը չախտորոշված քաղցկեղից մահացել էր 2015 թվականին։
Կինը դստերը իր սուպերհերոսն է կոչում․ «Նա իսկապես փրկեց իմ կյանքը»,-նշում է մայրը։