News
Լրահոս
News
Հինգշաբթի
Ապրիլ 25
Տեսնել լրահոսը


Իրավիճակը Հայաստանում ֆորս մաժորային է, հակասահմանադրական իրավիճակ է, ԱԺ-ում բացակայում է կայուն խորհրդարանական մեծամասնությունը, ինչը սահմանադրության պահանջն է, իսկ սահմանադրական ճգնաժամը պետք է լուծվի: Այս մասին, այսօր՝ հոկտեմբերի 22-ին, ԱԺ արտահերթ նիստում Ընտրական օրենսգրքի փոփոխությունների քննարկման ժամանակ հայտարարեց Արդարադատության նախարար Արտակ Զեյնալյանը:

Նա հենց այդ պատճառաբանությամբ բացատրեց, որ պետք է դեկտեմբերին արտահերթ ԱԺ ընտրություններ անցկացնել, հետեւաբար հիմա պետք է քննարկել Ընտրական օրենսգրքի փոփոխությունները 24-ժամյա ռեժիմում, իսկ երկրորդ ընթերցումն անցկացնել վաղը երեկոյան:

ՀՀԿ խմբակցությունից Խոսրով Հարությունյանը նախ հարց ուղղեց, թե արդյոք հնարավո՞ր է 24-ժամյա ռեժիմում քննարկել օրենսգրքի փոփոխությունները, հատկապես, որ կառավարությունը հավաստիացնում է, որ պատրաստ է քննարկել ցանկացած ողջամիտ առաջարկություն:

Խոսրով Հարությունյանն առաջարկեց գոնե երկրորդ ընթերցում իրականացնել ոչ թե վաղը, այլ 2-3 օր ժամանակ տալ, որ խորհրդարանում հնարավոր լինի լուրջ քննարկում ծավալել, նոր առաջարկություններ անել:

Խոսրով Հարությունյանի խոսքով, եթե երկրորդ ընթերցմամբ փաթեթը քննարկվի ուրբաթ օրը, դա թույլ կտա հանգիստ քննարկել օրենսգիրքը, միաժամանակ չի խանգարի, որ ընտրությունները տեղի ունենան դեկտեմբերին:

Արդարադատության նախարար Արտակ Զեյնալյանը արձագանքեց, որ չի առարկում այդ առաջարկին եւ կարելի է օրենսդրական փաթեթը քննարկել ոչ թե 24-ամյա ռեժիմում, այլ 72-ամյա ռեժիմում:

«Ծառուկյան» խմբակցությունը 20 րոպեով ընդմիջում վերցրեց:

Հիշեցնենք, որ ԱԺ-ում քննարկվում է Ընտրական օրենսգրքի փոփոխությունների եւ հարակից նախագծերի փաթեթը: Եթե այն չընդունվի, ապա դեկտեմբերին ԱԺ ընտրությունները տեղի կունենան գործող Ընտրական օրենսգրքով:

Նշենք, որ ՀՀԿ ԳՄ-ն այսօր վաղ առավոտյան նիստ է արել, որտեղ քննարկվել եւ հաստատել է ՀՀԿ դիրքորոշումը Կառավարության կողմից ԱԺ ներկայացված Ընտրական օրենսգրքի նախագծի վերաբերյալ, որը պաշտոնապես կհրապարակվի ԱԺ արտահերթ նիստին։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հունիսի 9-ին Լոռու մարզի երկու գյուղերում ընտրություններ կանցկացվեն
Մեկ այլ որոշմամբ նույն օրը արտահերթ ընտրություններ կանցկացվեն նաեւ Լոռու մարզի Լեռնավանի համայնքում, սակայն այս դեպքում կլինի միայն ավագանու ընտրություն...
Սյունիքի Գորայք համայնքը չունի ոչ գյուղապետ, ոչ ավագանի. ընտրությունները կկայանան հունիսի 9-ին
Գորայք համայնքի ավագանու մնացած անդամները ս.թ. մարտի 1-ին կազմել են Գորայք համայնքի ավագանու լիազորությունները վաղաժամկետ դադարեցման վերաբերյալ արձանագրություն...
Ապագա գյուղում արտահերթ ընտրություններ կանցկացվեն. ՀՀԿ-ական գյուղապետը հրաժարական է տվել
Սահմանված եռօրյա ժամկետում ես որոշում կկայացնեմ…
ԿԸՀ նախագահ. 2012-ից Հայաստանում ընտրությունների արդյունքների կեղծումներ չեն եղել
Հայաստանում ցանկացած ընտրություն կազմակերպելիս դրանց արդյունքները երբեք նախապես հայտնի չեն եղել, ասել է Տիգրան Մուկուչյանը...
«Ժողովուրդ». Ակունքում հետընտրական կրքերը չեն հանդարտվել. Արյան հետքեր քվեաթերթիկի վրա
Վերահաշվարկի արդյունքում ուշագրավ փաստ է պարզվել...
«Ժամանակ». Թռած է. Ընտրակաշառքի միջոցով հաղթել է ընտրություններում ու հեռացել է Հայաստանից
Ընտրություններից անցել է մեկ շաբաթ, սակայն Մանուկյանը այդպես էլ չի ներկայանում գյուղապետարան...