News
Լրահոս
News
Երկուշաբթի
Ապրիլ 22
Տեսնել լրահոսը

Պնդելով ադրբեջանա–ղարաբաղյան հակամարտության կարգավորման փուլային տարբերակի շուրջ՝ Բաքուն դրանով ձգտում է թուլացնել հայկական կողմի դիրքերը։ Այս մասին այսօր՝ հոկտեմբերի 23-ին հայտարարեց Լեռնային Ղարաբաղի Հանրապետության մամուլի քարտուղար Դավիթ Բաբայանը՝ ի պատասխան NEWS.am–ի թղթակցի խնդրանքին՝ մեկնաբանել Ադրբեջանի արտաքին գործերի նախարար Էլմար Մամեդյարովի հայտարարությունը։

«Մենք միշտ խոսել ենք բացառապես փաթեթային տարբերակով կարգավորման մասին։ Դա նշանակում է, որ ամեն ինչ պետք է իրականացվի միաժամանակ։ Սակայն ամեն ինչի մասին պետք է պայմանավորվել, լուծել, մտածել քայլ առ քայլ եւ մանրամասն։ Փուլային տարբերակը, որի շուրջ պնդում է Ադրբեջանը, ենթագրում է հարցերի փուլ առ փուլ լուծում։ Ցանկանում եմ հիշեցնել, որ Ադրբեջանը չի ցանկանում այնպիսի պայմանավորվածություններ իրականացնել, ինչպես միջադեպերի հետաքննության մեխանիզմն է կամ ԵԱՀԿ գործող նախագահի անձնական ներկայացուցչի թիմի ընդլայնումը։ Էլ չենք խոսում ռազմական հանցագործների հերոսացման մասին։ Բաքվի կողմից համապատասխան գործողություններով չհավասարակշռված ամենափոքր զիջումը Ադրբեջանում կընկալվի որպես հակառակորդի թուլության եւ ոչ կոմպետենտության ազդանշան եւ պայմանավորվել նրա հետ հնարավոր չի լինի։ Այսինքն՝ Բաքվում փորձում են հասնել այն իրավիճակին, որի դեպքում նրանք կկարողանան ոչ մեծ քայլերով շարժվել բաղձալի նպատակի՝ Արցախի տարածքի խլման, պետականության ոչնչացման եւ հայ բնակչության վտարման ուղղությամբ»,–նշեց Բաբայանը։

Նա հավելեց, որ փաթեթային տարբերակի կարեւորագույն դրույթը պետք է փոխադարձ ճանաչումը լինի, սահմանների որոշումը, ընդ որում՝ հարցը պարտադիր պետք է առնչվի նաեւ Հյուսիսային Արցախին ու Նախիջեւանին։ «Կողմերի համար հետաքրքրություն ներկայացնող բազմաթիվ հարցեր պետք է քննարկվեն եւ որոշվի դրանց լուծման սխեման։ Լուծումը «հետո»–ի թողնելը կնշանակի «չլուծել», որն առաջ կբերի ավելի անլուծելի խնդիր»,–եզրափակեց  Դավիթ Բաբայանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանական բանակի առասպելներն ու իրականությունը․ ռազմական բյուջեի առավելությունը ոչինչ չի ասում
Ադրբեջանական բանակի բոլոր աստիճաններում շատ բարձր է կոռուպցիայի մակարդակը, ինչը, բնականաբար, վատ է անդրադառնում նրա բարոյահոգեբանական վիճակի վրա․․․
Ղարաբաղյան հակամարտության կարգավորման բանակցություններում կառուցողական գործընթացներ կան. ԵՄԱ նախագահ
Բանակցություններում կառուցողական գործընթացներ են նկատվում...
«3 նախագահները ոտքերը այդտեղ ջարդել են, վարչապետն էլ հո՞ չի ջարդի». Բաբայանը՝ մադրիդյան սկզբունքների մասին
Չի եղել ժամանակ, որ Բաբայանը ինչ–որ մեկին պաշտպանի...
Փաշինյանը փորձում է նսեմացնել Արցախյան շարժումը. Շարմազանով
Տպավորություն է, որ Նիկոլ Փաշինյան վարչապետը, փոխարեն ձգտի հասնել Տեր-Պետրոսյանի, Քոչարյանի, Սերժ Սարգսյանի, Բագրատյանի, Էդվարդ Նալբանդյանի…
Ամեն ինչ ձեւ է. Շարմազանովը Փաշինյանի՝ Արցախը բանակցային կողմ դարձնելու խոստման մասին
Գիտե՞ք՝ ինչով է տարբերվում Նիկոլ Փաշինյանը Հին Հռոմեական ղեկավարներից…
Առանց ինձ հետ համաձայնեցնելու ո՞նց էին Մեղրին հանձնելու. ինձ հետ ոչ ոք չի խոսել. Սամվել Բաբայան
Պարոն Քոչարյանն առանց Վազգենի հետ համաձայնեցնելու չէր կարող գնալ նման բանակցությունների, ու վերջ…