ԱԽ քարտուղար Արմեն Գրիգորյանի եւ եւ ԱՄՆ նախագահի խորհրդական Ջոն Բոլթոնի միջեւ առանձին հանդիպման կամ ընթիքի թեմա ամերիկյան կողմի հետ չի քննարկվել եւ նման բան չի հայցվել։ Այս մասին NEWS.am-ին հայտնեց ԱԳՆ մամուլի խոսնակ Աննա Նաղդալյանը՝ արձագանքելով մամուլում եղած հրապարակմանը, ըստ որի, ԱՄՆ նախագահի՝ Ազգային անվտանգության հարցերով խորհրդական Ջոն Բոլթոնը մերժել է ՀՀ Անվտանգության խորհրդի քարտուղար Արմեն Գրիգորյանի ընթրիքի հրավերը:
«Այցի ընթացքում տեղ գտած հանդիպումների քանակը եւ ձեւաչափը որոշված է եղել նախապես»,-ասաց նա:
Ավելի վաղ NEWS.am-ը հայտնել էր, որ «Հրապարակ» օրաթերթի փոխանցմամբ, Արմեն Գրիգորյանը Բոլթոնին փորձել է ընթրիքի հրավիրել, սակայն մերժում է ստացել։