News
Լրահոս
News
Հինգշաբթի
Դեկտեմբեր 09
Տեսնել լրահոսը


Թբիլիսիի «Արծաթե» փողոցում (հին Թիֆլիսի Կալայի (Քվեմո կալա) թաղի կենտրոնում) Սուրբ Նշան եկեղեցու հարեւանությամբ շինարարական ակտիվ աշխատանքներ են ընթանում, հաղորդում է Aliq.ge-ն: 

Եկեղեցու  բակի տապանաքարերը հանվել են, հեռացվել եկեղեցու տարածքից, «Ալիք մեդիայի» նկարահանման պահին աղբի մեծ կույտի հետ խառնված, ուր են տարվելու՝ անհայտ է:

Ահազանգել էր հարեւանությամբ բնակվողներից մեկը, ով չցանկացավ իր անունը հրապարակել։ Տեսախցիկից այն կողմ զրույցում կինն իր վրդովմունքը հայտնեց՝ ասելով, որ այն ինչ արվում է այս պահին, վանդալիզմ է՝ անկախ նրանից ում է պատկանում եկեղեցին, կամ ում գերեզմանաքարերն են եկեղեցու բակում:

Խորհրդային Միության տարիներին մի շարք եկեղեցիների շարքում կնքվել եւ փակվել էր նաեւ այս եկեղեցին, ծառայել է որպես պարենամթերքի պահեստ, մի քանի անգամ հրդեհվել է, այժմ համարվում է վթարային: 2007-ին Սուրբ Նշանը (Սուրբ Նիկողայոս) ստացել է պատմական հուշարձանի կարգավիճակ: Տեղեկություններ ունենք նաեւ, որ տարածքի սեփականատերը նշված տարածքում հյուրանոց կառուցելու ցանկություն է ունեցել, սակայն հանրային ճնշման արդյունքում հրաժարվել է իր մտադրությունից:

Մեր տեղեկություններով՝ եկեղեցու հարեւանությամբ բնակվող քաղաքացիները դատական հայց են ներկայացրել՝ Սուրբ Նշանին կից շինարարական աշխատանքները դադարեցնելու պահանջով: Մոտ օրերս դատական նիստ է նշանակված: Վիրահայոց թեմի մամուլի պատասխանատու Սուսաննա Խաչատրյանը «Ալիք մեդիայի» հետ զրույցում նշեց, որ այդ դատական գործընթացում թեմը հանդես է գալիս որպես երրորդ՝ աջակցող կողմ:

 Նա նաեւ տեղեկացրեց, որ թեմը դիմել է քաղաքապետարան՝ մշակութային կոթողի հարեւանությամբ շինարարության հետ կապված մտահոգությամբ։ Քաղաքապետարանի համապատասխան բաժնից տեղեկացրել են, որ խնդիրն ուսումնասիրվել է, եւ անհանգստանալու կարիք չկա, տեղում ընդամենը նորացվում են կոմունիկացիոն ենթակառուցվածքները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ախալքալաքի Գոման գյուղում Սուրբ Գրիգոր Լուսավորիչ եկեղեցու վերակառուցումը շարունակվում է
Ըստ շինարարների, որոնցից մեկը Խորենիա գյուղից է, մյուս 4-ը՝ Ադիգենիի մունիցիպալիտետից, վերակառուցումը շարունակվում է առանց խնդիրների...
Ինչո՞ւ է կտրուկ բարձրացել հեղուկ գազի գինը. Մրցակցության պաշտպանության հանձնաժողովը պարզաբանել է
Բարձրացել են ձեռքբերման գները, առկա են լոգիստիկ խնդիրներ...
Ներկայացվել է Ախալցխայի Սուրբ Գրիգոր Լուսավորիչ եկեղեցու վերակառուցման նախագիծը (ֆոտո)
«Վարդգես Սուրենյանց» մշակութային կենտրոնի հիմնման մարդահաճո ու աստվածահաճո գործին...
Ախալքալաքում Ճգնավորի վանքը ենթարկվել է վանդալիզմի. կոտրել են ներսում գտնվող սրբապատկերները, քանդակները, խաչերը (ֆոտո)
Հոգեւոր հայրերը ճանապարհին հանդիպեցին Ախալքալաքի ոստիկանության ներկայացուցիչներին, ովքեր վերահսկում էին իրականացնում տեղում...
Վիրահայոց թեմը ակտիվորեն դատական գործընթացների մեջ մտած փորձում է լուծել եկեղեցիների հարցը. Շիրակ Թորոսյան
19-րդ դարում կառուցված Թանդոյանցի Սուրբ Աստվածածին եկեղեցին վերադարձնելու պահանջով Վիրահայոց թեմը դիմել է դատարան։ Կիսավեր տաճարը, կառավարության որոշմամբ, փոխանցվել է Վրաց ուղղափառ եկեղեցուն...
Թբիլիսիում հայ եկեղեցականները բողոքի ակցիա են անցկացրել
Ծխականներ քահանաների ղեկավարությամբ ուղղվեցին դեպի Շամխորեցոց վանք․․․
Ամենաշատ