Հայաստանի նախկին ոստիկանապետ, այժմ պատգամավոր Ալիկ Սարգսյանը նախազգուշացրեց, որ «Սասնա ծռեր» խմբի կողմից ՊՊԾ գնդի գրավման ժամանակ երեք ոստիկանների «ընդհատված կյանքի համար մեղավորները» չեն կարող ազատվել:
Նոյեմբերի 1-ին ԱԺ նիստում ելույթ ունենալով երկրորդ ընթերցմամբ համաներման նախագծի քննարկման ժամանակ՝ Ալիկ Սարգսյանը դիմեց գործընկերներին. «Այստեղ ներկա բոլորը պատասխան կտան ոստիկանների կյանքի ընդհատման համար: Ինձ հավաստիացրել են, որ ոստիկանների սպանությունների մեջ մեղավորների վրա սա չի տարածվում: Եթե նրանք ազատվեն, մենք ընդմիշտ կկորցնենք վստահությունը մի ամբողջ համակարգի՝ ոստիկանության նկատմամբ»:
