Եվրամիությունը հուսով է, որ ղարաբաղյան հակամարտության կարգավորման համար հնարավորինս շուտ առարկայական բանակցություններ կանցկացվեն: Բաքվում Trend-ին այս մասին ասել է Եվրամիության Հարավային Կովկասի հարցերով հատուկ ներկայացուցիչ Տոյվո Կլաարը:
Նա ասել է, որ ԵՄ-ն ողջունում է հակամարտության կարգավորման համար Ադրբեջանի եւ Հայաստանի ղեկավարությունների կառուցողական մոտեցումը եւ լարվածության նվազեցումը:
«ԵՄ-ն հուսով է, որ փոխզիջումների հիման վրա հակամարտության խաղաղ կարգավորմանը նպաստելու համար դա հնարավորինս շուտ կուղեկցվի կոնկրետ եւ առարկայական բանակցություններով: Այս կապակցությամբ ԵՄ-ն աջակցում է ԵԱՀԿ Մինսկի խմբի համանախագահների ջանքերին», - ասել է նա:
