Ադրբեջանում գերի ընկած Հայաստանի քաղաքացի Կարեն Ղազարյանի վերադարձի հարցը մնում է օրակարգում: Այս մասին նոյեմբերի 13-ին ճեպազրույցի ժամանակ հայտարարեց ՀՀ ԱԳՆ մամուլի քարտուղար Աննա Նաղդալյանը:
Մեկնաբանելով Ղազարյանի նկատմամբ դատական գործընթացի սկիզբը, Նաղդալյանը նշեց, որ Ադրբեջանի իշխանությունները հերթական անգամ կոպտորեն խախտում են միջազգային հումանիտար իրավունքի դրույթները:
«Փորձեր էին արվել շոու անել, Ղազարյանին դիվերսանտ ներկայացնել եւ հավասարության նշան դնել այն անձանց հետ, որոնք ծանր հանցագործություններ են կատարել՝ Ասկերովի եւ Գուլիեւի: Չնայած այս ամենին, համապատասխան աշխատանք է տարվում, հայրենակցին վերադարձնելու հարցը օրակարգում է», - ասաց ԱԳՆ մամուլի քարտուղարը: