![](img/news/04/82/04/default.jpg)
Ֆրանսիայի նախագահ Նիկոլա Սարկոզին Թուրքիա է մեկնելու առանց Ֆրանսիայի առաջին տիկնոջ ուղեկցության։ Սարկոզիի այցը Թուրքիա կտեւի մոտ 5 ժամ։ Ըստ Vatan-ի՝ այս մասին France-Presse գործակալությանը հայտնել է թուրք բարձրաստիճան մի դիվանագետ։ «Մենք կցանկանայինք, որ նախագահ Սարկոզին ավելի երկար հյուրընկալվեր Թուրքիայում, սակայն նա չի ցանկացել»,- ասել է դիվանագետը։
Նշենք, որ Սարկոզիի փետրվարի 25-ին Թուրքիա կայանալիք այցի շրջանակում այլ հարցերից բացի, քննարկվելու է Թուրքիայի ԵՄ անդամակցության հարցը։ Ինչպես հայտնի է, Ֆրանսիայի նախագահը կտրականապես դեմ է Թուրքիային տեսնել «եվրոպական ընտանիքում»։
WikiLeaks-ը մի քանի գաղտնի փաստաթուղթ էր հրապարակել, որոնցում նշված է, որ ամերիկյան դիվանագետները հորդորում են Սարկոզիին մեղմել իր դիրքորոշումը Թուրքիայի ԵՄ անդամակցության հարցում։ Սարկոզին իր հերթին հասկացրել է, որ ինչպիսի հետեւանքներ էլ ունենա Թուրքիային Եվրոպայից հեռու պահելու իր դիրքորոշումը, միեւնույն է ինքը թույլ չի տա «եւս 70 մլն մահմեդականի ավելացումը Եվրոպայում»։