Ֆրանկոֆոնիայի խորհրդարանական վեհաժողովի 35-րդ նստաշրջանում երեկ Հայաստանի Ազգային ժողովին շնորհել է կազմակերպության ասոցացված անդամի կարգավիճակ: ՖԽՎ Փարիզում ընթացող նստաշրջանին մասնակցում է Ազգային ժողովի նախագահ Հովիկ Աբրահամյանի գլխավորած պատվիրակությունը: Հայաստանյան պատվիրակությունը ոչ պաշտոնական խորհրդակցություններ եւ հանդիպումներ է անցկացրել Վեհաժողովի անդամ պետությունների պատվիրակությունների հետ, մասնակցել է նստաշրջանի մասնակիցների պատվին Փարիզի քաղաքապետ Բեռնար Դելանոեի, Ֆրանսիայի արտգործնախարար Բեռնար Կուշների կազմակերպած ընդունելություններին:
Հովիկ Աբրահամյանը զրույց է ունեցել Ֆրանսիայի Սենատի նախագահ Ժերար Լարշեի հետ, հանդիպել է Ֆրանսիայի Ազգային ժողովի նախագահ Բեռնար Ակուայենի, ֆրանսահայ համայնքի ներկայացուցիչների հետ:
Նշենք, որ Ֆանկոֆոնիայի խորհրդարանական վեհաժողովում Հայաստանի Ազգային ժողովի պատվիրակության ղեկավարը Արմեն Ռուստամյանն է: Պատվիրակության անդամ է նաեւ «Ժառանգությունը» ներկայացնող Ստեփան Սաֆարյանը, որին, սակայն, ԱԺ նախագահը հրաժարվել է գործուղել նիստին՝ պատճառաբանելով, թե ՀՀ-ն ՖԽՎ-ի ասոցիացված անդամ չէ: