Երբ ասում են կադրային սով կա ներկայիս իշխանություններում, ես դրա հետ այդքան էլ համաձայն չեմ։ Այդ մասին այսօր՝ նոյեմբերի 27–ին, մամուլի ասուլիսի ժամանակ ասաց Դավիթ Շահնազարյանը, ով առաջադրվել է ՀՀԿ–ի ցուցակով։
«Ինչու են այս կառավարության անդամներն այսպես խեղճ ու կրակ, որովհետեւ չկա քաղաքական գիծ, չկա քաղաքական ուղղվածություն, իրենց առջեւ քաղաքական ծրագիր էր սկզբում դրված բերել ներդրումներ, հետո այլ խնդիրներ, որոնք անընդհատ փոխվում են։ Փաշինյանի առաջին խնդիրը ներդրումներն էին. Անընդհատ Գրիգոր Համբարձումովիչի նման հրավիրում էր...Թումանյանի Գիքորի նման էստի համեցեք էր անում... ներդրումներ, ներդրումներ։ Դա չի կարող լինել, բացարձակապես»,– ասաց Շահնազարյանը։
Նրա գնահատմամբ՝ ներդրողներին պետք է օրինականություն, իսկ Փաշինյանը հայտարարում է. «Օրենքը ես եմ»։ «Եթե չկա քաղաքական գիծ, միշտ լինելու է այսպիսի վիճակ։ «Փաշինյանի նշանակած բոլոր նախարարները բյուրոկրատներ են, որոշում կայացնող չեն, անկարող են»,– ասաց նա։
