Ղարաբաղյան հարցի կարգավորման գործընթացում որոշակի դադար է: Այս մասին լրագրողների հետ զրույցում հայտարարեց Պետդումայի ԱՊՀ գործերով հանձնաժողովի նախագահի առաջին տեղակալ Կոնստանտին Զատուլինը:
«Չգիտեմ որքանով է դա արադարացված, բայց ամենայն հավանականությամբ, բարձրաստիճան պաշտոնյաները, գնահատում են այն փաստը, որ Հայաստանում ընտրություններ են: Այդ կապակցությամբ, որքանով ես հասկանում եմ, ղարաբաղյան հարցի կարգավորումը իր հերթին է սպասում», -ասաց նա:
Նրա խոսքով, Լազարեւյան ակումբի օրակարգով նրանք ցանկանում էին ուշադրություն դարձնել այն փաստի վրա, որ Լեռնային Ղարաբաղի խնդիրը ոչ մի կերպ չի կարող երկար ժամանակով հետաձգվել:
«Լեռնային Ղարաբաղը եւ անվտանգությունը, որը կապված է ղարաբաղյան հակամարտության հետ, շատ կարեւոր հարց է, որը կապված է ոչ միայն ԼՂՀ-ի, այլեւ Հայաստանի հետ»:
