Զարմացած եմ Դավիթ Շահնազարյանի շատ-շատ հայտարարություներից, եթե որեւէ մեկը մտածում է, որ Հայաստանում տեղի ունեցած փոփոխություններն Արցախի դեմ են, կարծում եմ՝ նա ընկալման խնդիր ունի, ով էլ որ լինի: Այս մասին, այսօր՝ դեկտեմբերի 5-ին, Գավառում ընթացող քարոզարշավի ժամանակ նշել է «Մենք» դաշինքի ցուցակի երկրորդ հորիզոնականը զբաղեցնող, «Ազատ դեմոկրատներ» կուսակցության նախագահ Խաչատուր Քոքոբելյանը:
«Չեմ ուզում որեւէ մեկին վիրավորել, բայց գտնում եմ, որ վարչապետը ճիշտ է ասում, որ այս շարժումը, այս փոփոխությունների թափանիվը, որը սկսել է եւ առաջ է գնում, չի հանդուժելու ոչ մի հակափոփոխության ուղղությունն է բռնել: Չի կարելի այդքան պարզունակ ձեւակերպումներով փորձել մեր քաղաքացիների այս պայքարը հակադրել եւ արհեստականորեն փորձել դա Արցախի դեմ հանդես բերել:
Այս փոփոխություններին մասնակցել եւ աջակցել են են նաեւ Արցախի մեր հայրենակիցները: Խորհուրդ եմ տալիս բոլորին Արցախի խնդիրը մանրադրամի չվերածել, քանի որ չի կարելի անվտանգության խնդիրը քարոզարշավի ժամանակ շահարկել»,- հայտարարեց Քոքոբելյանը հավելելով, որ կողմնակից է, որ բոլոր քաղաքական ուժերով հավաքվել եւ պայմանավորվել, թե ինչի մասին կարելի է խոսել, ինչի մասին՝ ոչ:
Ավելի վաղ NEWS.am-ը հայտնել էր, որ ՀՀԿ ցուցակի 3-րդ հորիզոնականը զբաղեցնող Դավիթ Շահնազարյանին այսօր հրավիրել են ԱԱԾ՝ Արցախի վերաբերյալ իր հայտարարություններից հետո. վերջինս չի գնացել:
