Երեւանում իր աշխատանքն է սկսել Անկախ պետությունների համագործակցության Միջխորհրդարանական ասամբլեայի կողմից արտահերթ խորհրդարանական ընտրությունների կարճաժամկետ մոնիթորինգ իրականացնող միջազգային դիտորդների խումբը։

ԱՊՀ ՄԽԱ-ից հավատարմագրաված են ընդամենը 23 միջազգային դիտորդներ, որոնք ներկայացնում են Ասամբլեայի անդամ վեց պետություններ (Բելառուսի Հանրապետություն, Ղազախստանի Հանրապետություն, Ղրղզստանի Հանրապետություն, Մոլդովայի Հանրապետություն, Ռուսաստանի Դաշնություն, Տաջիկստանի Հանրապետություն)։ Նրանց կազմում կան պատգամավորներ, ԱՊՀ ՄԽԱ Խորհրդի քարտուղարության աշխատակիցներ, ԱՊՀ ՄԽԱ Դեմոկրատիայի զարգացման մոնիթորինգի միջազգային ինստիտուտի փորձագետներ։

Խմբի անդամներն այցելել են Երեւանի մի քանի ընտրատարածքներ, որտեղ ստուգել են ընտրության օրը քվեարկության համար նրանց պատրաստվածությունը, ծանոթացել են ընտացուցակների տեղակայման կարգին, խոսել են ընտրական հանձնաժողովների նախագահների եւ անդամների հետ։ Ընտրատարածքներից մեկում դիտորդներն ականատես են եղել, թե ինչպես են թրեյնինգ անցկացնում առաջին անգամ քվեարկող ընտրողների համար։