Facebook-ն օգտատերերին արգելել է հրապարակել սեքսուալ ենթատեքստով գրառումներ: Նման հավելված է հայտնվել սոցցանցի թարմացված կանոնների ժողովածուում, փոխանցում է «Կոմերսանտը»:
Facebook-ի ղեկավարությունը հստակեցնում է, որ ոչ մի բան չունեն սեքսուալ բռնության եւ սեքսուալ շահագործման խնդիրների քննարկումների դեմ: Սակայն էջի հրապարակումը, որը «դրդում է մեծահասակների միջեւ սեռական կապերի, նպաստում դրանց կամ ստեղծվել է այդպիսի կապերի հաստատման ու համակարգման նպատակով», հիմա արգելված են:
Արգելված են սեքսուալ բնույթի այնպիսի արտահայտությունները, որոնք կարող են գնահատվել որպես ոտնձգություն, սեքսուալ-սադրիչ սլենգ եւ «սեքսուալ ենթատեքստով ակնարկներ»: Օրինակ՝ արգելքը տարածվում է «ուզում եմ այսօր երեկոյան զվարճանալ» արտահայտության վրա: Դրանից բացի, սոցցանցում չի կարելի հրապարակել պոռնոգրաֆիական էջեր, այդ թվում՝ «սեքսուալ դիրքերով» մարդկանց ձեռքով նկարված պատկերներ: