Պահպանողական կուսակցությունը շնորհավորում է 7-րդ գումարման Ազգային ժողով անցած երեք քաղաքական ուժերին՝ բարեմաղթելով պետականաշահ բեղմնավոր գործունեություն: Այս մասին ասված է կուսակցության կենտրոնական խորհրդի տարածած հատարարության մեջ:
«Միեւնույն ժամանակ կուսակցությունը շնորհավորում է ՀՀ բոլոր քաղաքացիներին, ովքեր տասնամյակներից ի վեր կրկին հնարավորություն ունեցան ազատ կամարտահայտման, ինչը ժամանակակից պետականության ամրության հիմնարար գրավականն է:
Գլոբալ եւ տարածաշրջանային մարտահրավերներին հնարավորինս պատրաստ լինելու հարցում մեծ են Խորհրդարանի դերը եւ պատասխանատվությունը, ուստի այսօրվանից իսկ անհրաժեշտ է հրաժեշտ տալ նախընտրական հռետորաբանությանը եւ գործելաոճին՝ անցնելով պատասխանատվության ստանձնման սթափության, ինչն ակնկալվում է նոր Խորհրդարանից: Նույն սթափությունն ու պատասխանատվությունն է ակնկալվում նաեւ արտախորհրդարանական քաղաքական միավորներից, քանզի մեկն է Հայրենիքը»,-ասված է հայտարարության մեջ: