«Մենք» դաշինքի ապագայի մասին դեռ ոչ մի քննարկում չի անցկացվել, բայց ամենայն հավանականությամբ, դրանում ներկայացված ուժերը, կշարունակեն իրենց գործուենությունը դաշինքի կազմում: Այս մասին NEWS.am-ի թղթակցի հետ զրույցում ասաց «Հանրապետություն» կուսակցության անդամ Անի Խաչատրյանը:
Նրա խոսքով՝ «Մենք» դաշինքում պառակտումների համար նախադրյալներ չկան եւ ամեն դեպքում «Հանրապետություն» կուսակցությունը պատրաստ է տվյալ դաշինքի ձեւաչափում շարունակել իր քաղաքական գործունեությունը:
Հարցին՝ արդյոք նրանք արտախորհրդարանական ընդդիմություն կդառնան կամ կաջակցեն գործող իշխանությունների քաղաքականությունը, Խաչատրյանն ասաց, որ նրանք ընդդիմադիր կլինեն այնտեղ, որտեղ դրա անհրաժեշտությունը կլինի, նույնն էլ վերաբերում է իշխանությունների աջակցությանը:
«Մենք ընդդիմադիր ենք այն հարցերում, որտեղ պետք է լինել այդպիսին եւ ընդդիմադիր չենք լինի այն հարցերում, որտեղ պետք չէ: Եթե ինչ-որ լավ բան է արվում, ապա մենք չենք լինի ընդդիմադիր: Մենք կարող ենք տարբեր հարցերի վերաբերյալ հայացքներ ունենալ եւ այդ իմաստով մինչեւ ընտրությունները մենք արդեն ձեւավորված ընդդիմություն էինք: Եվ ինձ թվում է, որ եվրասիական ինտեգրացման հետ կապված հարցերում, մենք կշարուակենք ըդդիմադիր լինել»,- բացատրեց նա:
«Հանրապետություն» կուսակցության անդամ Անի Խաչատրյանը հայտնեց նաեւ, որ առաջիկայում կուսակցության համագումար կլինի, որի ժամանակ կքննարկվեն նոր Քաղաքական խորհրդի ձեւավորման հացերը:
Հիշեցնենք, որ դեկտեմբերի 9-ին կայացած արտահերթ խորհրդարանական ընտրություններում նորաստեղծ դաշինքը ստացել էր ձայների 2 տոկոսը:
