Մոսկվան ուզում է շարունակել աջակցել ղարաբաղյան կարգավորման Բաքվի եւ Երեւանի միջեւ ուղիղ երկխոսությանը։ Այս մասին Ադրբեջանի նախագահ Իլհամ Ալիեւի հետ հանդիպման ժամանակ ասել է ՌԴ ԱԳ նախարար Սերգեյ Լավրովը՝ հայտնում է ՌԴ ԱԳՆ-ը։
«Մենք ուզում ենք շարունակել աջակցել ղարաբաղյան կարգավորման Բաքվի եւ Երեւանի միջեւ ուղիղ երկխոսությանը։ Ես գիտեմ, որ դուք հաղորդակցվել եք Հայաստանի վարչապետի հետ, իսկ իմ ընկեր եւ գործընկեր, Ադրբեջանի արտգործնախարար Էլմար Մամեդյարովը՝ Հայաստանի արտգործնախարարի պաշտոնակատար Զոհրաբ Մնացականյանի հետ։ Այսօր մենք, իհարկե, հետաքրքրված ենք լսելու ձեր գնահատականները՝ ինչպես եք տեսնում առաջընթացը։ Ուզում ենք, որ այս կարգավորումը կայանա արդար եւ փոխադարձաբար ընդունելի հիմքով։
Ռուսաստանն իր ազգային որակով եւ որպես Ռուսաստան, ԱՄՆ, Ֆրանսիա եռյակի մասնակից, ԵԱՀԿ Մինսկի խմբի համանախագահ, ամեն ինչ կանի, որպեսզի նպաստի հակամարտության կարգավորմանը»,- ասել է Լավրովը, ով ժամանել է Բաքու, որպեսզի մասնակցի Սեւծովյան տնտեսական համագործակցության երկրների ԱԳ նախարարների նիստին։
