Այսօր ՀՀ ֆինանսական համակարգը կայուն եւ կայացած համակարգ է, եւ գնաճի մասին թեմաներին անդրադարձը հանրության շրջանում կարող է առաջացնել անհարկի սպասումներ, որոնք տեղին չեն երկրի երկարաժամկետ զարգացման տեսանկյունից: Այս մասին Facebook-ի իր էջում գրել է ՀՀ Կենտրոնական բանկի մամուլի խոսնակ Հարություն Կբեյանը՝ անդրադառնալով գնաճի վերաբերյալ մամուլի տեղեկություններին:

Նրա խոսքով, գնաճի վերաբերյալ հարցերին ՀՀ Կենտրոնական բանկը պատրաստ է տալ իր լիազորությունների եւ պրոֆեսիոնալ կարողությունների շրջանակներում սպառիչ եւ բովանդակային պատասխաններ։