Միութենական պետության ձեւաչափով ՌԴ-ի եւ Բելառուսի ինտեգրացիայի ընդլայնման ծրագրերը արտացոլված են արդեն ընդունված փաստաթղթերում, հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստին»:
Միեւնույն ժամանակ, նա նշել է, որ Վլադիմիր Պուտինի նախագահությամբ միասնական պետությունում երկու երկրների միավորման թեման օրակարգում չկա:
«Այն չի էլ քննարկվել, եւ դրա մասին խոսք չկա», - ասել է մամուլի քարտուղարը: Նա հիշեցրել է, որ Ռուսաստանն ու Բելառուսը համագործակցում են Միութենական պետության ձեւաչափով: «Բելառուսը մեր մեծատառով դաշնակիցն է», - ասել է Պեսկովը:
Անցյալ ուրբաթ Բելառուսի նախագահ Ալեքսանդր Լուկաշենկոն հայտարարել էր, որ երկրի ինքնիշխանությունը սրբություն է, եւ դրա կորուստը չի լինի: Նրա խոսքով, ռուսական նավթային ոլորտում հարկային մանեւրը սպառնում է երկրի անկախությանը: «Կարելի է պարզապես ասել` նավթ ձեռք բերեք, բայց դուք ավերեք երկիրը եւ Ռուսաստանի կազմ մտեք», - ասել է պետության ղեկավարը:
Լուկաշենկոն նշել է, որ ցանկացած դեպքում նման խորը ինտեգրացումը պետք է կամավոր լինի: Միեւնույն ժամանակ նա ընդգծել է, որ Մինսկը եւ Մոսկվան միշտ փոխզիջման են հասնում վիճահարույց հարցերի շուրջ, իսկ «Բելառուսի ինտեգրացիոն դիրքորոշումն անփոփոխ է»: